چهارشنبه دن پنجشنبه گه اوتر کیچه، ناتانیش کیشی‌لر کابل برشنا شرکتی باشلیغی عبدالاحد بارکزی نینگ اویی گه هجوم قیلیب و جناب بارکزی نینگ آغیر شکلده کلتک‌لگن.
برشنا شرکتی نینگ اعلان قیلیشیچه، ناتانیش کیشی‌لر کیچه جناب بارکزی نینگ اویی گه کیرگن و تارتیشمه نتیجه‌سیده اونینگ بیرقطار تیش‌لرینی سیندیرگن.
مذکور شرکت نینگ اعلامیه‌سیده کیلیشیچه، برشنا رهبرلیگی نینگ قراری اساسیده، برشناگه تیگیشلی رهایشی منطقه‌لرده یشه‌یدیگن‌لر بو منطقه‌لرنی بوشه‌تیشی کیره‌ک و عبدالاحد بارکزی نینگ اویی گه هجوم قیلگن کیشی‌لر بو قرارنی اوندن کورگن.
برشنا مسؤول اداره‌لردن بو قضیه‌نی تیکشیریب و عامل‌لرینی قانون گه تاپشیریشی سوره‌گن.
