.jpg)
کابل یشاوچیلریدن بیرقطاری‌نینگ ایتیشیچه، بیر آیدن بویان کابل بازارلریده ییگولیک ماده‌لر بهاسی ییترلی شکلده کوپه‌یگن. اولرگه کوره، دستلبکی ییگولیک ماده‌لر بهاسی جمله‌دن اون و برنج هر بیر بوجی‌ده 300 افغانی آشگن.
کابل یشاوچیلری‌نینگ ایتیشیچه، خرجت‌لریدن کوره درآمدلری آز دیر و ییگولیک ماده‌لر بهاسی یوقاری کیتیشی قیین‌چیلیک‌لرنی کوپه‌یتیرگن. اولر دولت‌دن نرخ‌لرنی کنترل قیلیشی‌نی سوره‌یدی.
شونینگدیک، دوکاندارلر نرخ‌لر کوپه‌یگنینی تصدیق‌لب ایتیشیچه، افغانی پول بهاسی چیت‌ایللیک پوللرنی برابریده کمه‌یگنی باعث، یانغین ماده‌لر بهاسی یوقاری کیتگن. اولرنینگ کوپه‌یتیریشیچه، بو قیین‌چیلیک‌نی یانیده، دولت گمرک تعرفه‌سینی قویی قیلیش جایی‌گه کونساین اونی کوپه‌یتیره‌دی.
.jpg)
صنعت و سوداگرلیک وزیرلیگی‌نی سوزلاوچیسی مسافر قوقندی‌نینگ ایتیشیچه، سونگی بیر آیده ییگولیک ماده‌لر بهاسی ییترلی شکلده کوپه‌یمه‌گن و بو موضوع خواطرلی ایمس دیر. جناب قوقندی گه کوره، دالر برابریده افغانی پول بهاسی کمه‌یگنی باعث، قیمت‌لرده بیر آز اوزگریش کیلگن.
کابل شهری‌نینگ مجموعه ساتووچی‌لریگه کوره، سونگی بیر آیده بیر بوجی اون نینگ قیمتی 1180 افغانی‌دن 1350 افغانی گه، بیر بوجی برنج 2200 افغانی‌دن 2500 افغانی گه، بیر بوتل مایع یاغ 410 افغانی‌دن 430 افغانی گه و شونینگدیک، ایرانی‌لیک توارلرنی قیمتی ییترلی شکلده کوپه‌یگن و بو کوپه‌ییش پرچون بازاریده کوپراق حس ایتیله‌دی.
