بوگون «سه‌شنبه» کابل‌ده ساغلیق‌نی سقلش وزیری فیروزالدین فیروز، گلوبل مدیکل پارتنرز یا-ده خلق ارا طبی شریک‌لر ساغلیک اداره‌سی بیلن سرطان کسل‌لیگی‌نی تدقیقات قیلووچی، درمان لایزری و تشخیصات مرکزی ایجاد ایتیلیشی توغریسیده کیلیشوونامه امضاءله‌دی.
شونینگدیک، ایکی ییل آلدین، کابل‌ده سرطان کسل‌لیگی‌نی دارولش نیت‌ده بیر مرکز ایجاد ایتیلگن و اونی دارولش طریقه‌سی درمان لایزری دن فرقلی دیر.
جناب فیروزنینگ ایتیشیچه، ییل‌ده مملکت یشاوچیلریدن 20 مینگ کیشی سرطان گه چالینه‌دی و امکانیت یوقلیگی باعث، مذکور کسل‌لردن 15 مینگ ته‌سی جان بیره‌دی.
فیروزنینگ کوپه‌یتیریشیچه، اوشبو مرکز دنیانینگ اینگ زمانه‌وی ماشین‌لری بیلن جهازلنه‌دی و سرطان کسل‌لیگی‌گه چالینگن کسل‌لر آز خرجت بیلن کسل‌لرینی داروله‌یدی.
اوشبو کیلیشوو اساسیده، مذکور مرکزده دارولش طریقه‌سینی 60% لایزری درمان و باشقه 40% جراحی، کیمیاوی و بیولوژیکی طریقه‌لر بولیشی ممکن.
اوشبو مرکز جمهوریت کسلخانه‌سیده قوریله‌دی و 25 میلیون دالر خرجت کوتره‌دی.
ساغلیق‌نی سقلش وزیرلیگی‌نینگ مسؤوللریگه کوره، بو مرکز کیله‌جک بیر ییل‌گچه فایده‌لنیش‌گه تاپشیریله‌دی و اوندن سونگ، ییل‌ده سرطان کسل‌لیگی‌گه چالینگن 3000 کیشی دارولنه‌دی.
