کابل بلدیهسینینگ تمیزلش ادارهسی باشلیغی احمدبهزاد غیاثینینگ ایتیشیچه، اخلتلرنی اجرهتیش خصوصیده اویمهاوی معلومات بیریش لایحه کابل شهرینینگ بیرینچی مکرویانی دن باشلنگن.
اونینگ ایتیشیچه، اوشبو لایحه عمل گه آشیریلیشی بیلن، اویلر، محلهلر و شهرده اخلتنینگ کمهییشی ممکن.
غیاثینینگ کوپهیتیریشیچه، کابل بلدیهسی مذکور لایحهنی عملی قیلیش اوچون بلدیه ایشلاوچیلریدن 30 تهسی گه تعلیمات بیرگن.
اونینگ ایتیشیچه، اخلتلرنینگ مدیریت قیلیش زور دیر؛ بیراق اوشبو لایحهنی کابل شهریده عملی قیلیش اوچون ییترلیچه زمان کیرهک.
کابل شهری بیرینچی مکرویان یشاوچیلریدن بیرقطارینینگ ایتیشیچه، بلدیه ایشلاوچیلری نیچه کون آلدین شو توغریده اولرگه معلومات بیرگن ایدی، بیراق اولرنینگ محلهسیده اخلتنی اجرهتیش برنامهسی عملی بولمهگن.
عینحالده، کابل بلدیهسی رسمیلرینینگ ایتیشیچه، کابل یشاوچیلریدن بیرقطارینینگ شهرده یشش خصوصیده معلومات سیزلیگی و اولرنینگ همکارلیک قیلمهگنی سبب، بو لایحه ایریم قیینچیلیکلر بیلن دوچ کیلگن.
اولر، کابل یشاوچیلریدن بلدیه ایشلاوچیلریگه همکارلیک قیلیشینی سورهیدیلر.
