چیگره قوم و قبیلهلر وزیری محمد گلاب منگل، بو وزیرلیک کابلده ییریک قومی جرگه توزهتیش نیتده ایکنلیگینی ایتگن.
او، بو سوزلرنی اوتگن کون کابلده وزیرلیکنینگ یوز کونلیک برنامهسینی اعلان قیلیش چاغیده تیلگه آلگن.
او، تینچ لیک و برقرارلیکنی اورنهتیش اوچون قومی جرگهنینگ اساسی رولی بارلیگی حقیده تاکیدلهگن.
محمدگلاب منگل، کیلگوسی اوچ آیده ننگرهار، قندوز و هراتده قومی جرگهلر یولگه قوییلیشینی بیلدیرگن.
شونینگدیک منگل، جرگهلرده نفوذلی و تانیقلش شخصیتلر، قوم یاش اولوغلری و زونلر دین عالملری قتنشهشیشلرینی ایتگن.
جرگه قوشمه شکلده ولایتلردهگی موجود قیینچیلیکلر اوستیده بحث قیلهدی.
قومی کینگشلر اشتراکی بیلن تینچلیک و برقرارلیکنی تامین ایتیش، زونلرده قومی جرگهلر اوتکزیش، دیورند چیزیغی او تامانی بیلن افغانستان علاقهسینی یخشیلشتیریش، قیینچلیگی بولگن چیگره منطقهلر معماسینی اورگهنیش چیگرهلر وزیرلیگینینگ یوز کونلیک برنامهسیده بولگنی ایتیلهدی.
عینحالده، وزیر چیگره نریاغیدهگی منطقهلر بیلن علاقهنی مستحکملش اوچون فرهنگی، مدنی و سپورتی فعالیتلر آشیریلیشیگه اشاره قیلگن.
جناب منگل، مذکور وزیرلیکنینگ یوز کونلیک برنامهسی اساسیده بو وزیرلیکده توختهتیب قوییلگن ایشلرنی قیتهدن فعالیت گه کیلتیریش همده بو ساحهده ایجابی ایشلر قیلیشی بارهسیده سوز بیرگن.
