حج اوقاف وزیری فیض محمد عثمانی بوگون (سهشنبه) بیر خبری ییغینده ایتیشیچه، حج زیارتیگه کیته دیگنلر ایرته آقشم مملکت نینگ اوچ زونیدن اوچیشلری باشلنهدی.
جناب عثمانیگه کوره، بو توغریده برچه تیارگرلیکلر کوریلگن و زیارتچیلرنینگ یششلری اوچون 21 هوتل کراگه آلینگن
جناب عثمانی، بو ییل زیارتچیلرنی سعودیه عربستانیگه ییتکزیش اوچون 10 میلیون دالر تیجلگن.
شونینگدیک عثمانی هر بیرحاجینی باریب کیلیشی اوچون بو ییل 2450 دالر صرفلنهدی، حال بوکه اوتگن ییل هر بیر زیارتچی 3مینگ دالر خرج قیلگن.
عثمانیگه کوره، بو ییل افغانستاندن 24 مینگ زیارتچی سعودیه کیتهدی بولرنینگ 12 مینگ کیشیسی توغری مکه گه و قالگنلری ایسه جده و مکه گه اوچیشلری کوتیلهدی.
باشقه تاماندن حاجیلرنی عربستانگه ییتکزهدیگن آریانا هوا یوللر شرکتینینگ مسؤولی داوود شریفیگه کوره، بیرینچی اوچیشنی اجرا قیلیش اوچون آریانا هوا یوللر شرکتی تیار. اونگه کوره، بیرینچی اوچیش ایرته باشلنهدی.
داوودگه کوره، آریانا هوا یوللر شرکتی اوچ طیاره نظرده توتگن اونینگ بیرتهسی هر اوچیشده 585 کیشی و باشقه بیری ایسه هر اوچیشده 208 کیشینی ییتکزهدی.
شونینگدیک داوود، مذکور شرکتنینگ ییریک طیاره لری کابل، مزارشریف و قندهاردن جدول اساسیده اوچهدی دیگن و ایکی کیچیک طیاره ایسه هراتدن اوچهدی.
حج اوقاف وزیرلیگی معلوماتیگه کوره، کونده بیر مینگ زیارتچی سعودی گه ییتکزیلیشی نظرده توتیلگن. شونینگدیک حاجیلرنی ییتکزیش جریانی 23 اوچ کون دوام تارتهدی.
