افغانستان جمهور رییس اشرف غنی و اجراییه باشلیغی عبدالله عبدالله مارچ آیی نینگ 24 – سیده امیریکه جمهور رییسی بارک اوباما بیلن اوچره شیشلری کوتیلهدی. آق اوی نینگ اعلان قیلیشیچه، مذکور اوچره شوو سهشنبه کونی مارچ آیی نینگ 24 سیده آق اویده بولیب اوتهدی.
اوچره شووده ایریم دالضرب موضوعلر جملهدن، خوف سیزلیک و اقتصادی ترقیات لایحهلری اوستیده بحث قیلینه دی.
افغانستان ملی بیرلیک حکومت رهبرلری نینگ اوشبو سفریده کابل و واشنگن افغانستاندن آلیب چیقیله دیگن خلق ارا کوچلری مساله سی اوستیده کیلیشیشلری کوتیلهدی. بوندن آلدین امیریکه مدافعه وزیر اشتون کارتر افغانستان گه قیلگن سفریده، افغانستانده امیریکه دولتی رهبرلیگیدهگی خلق ارا کوچلرینی آلیب چیقیلیش لایحه سی تیکشیریلیشی ممکن لیگینی ایتگن ایدی.
اسشتون، بو توغریده سونگی قرارنی جمهور رییس بارک اوباما آلهدی دییه تیلگه آلگن ایدی. جمهور رییس سوزچیسی نینگ اورین باسری جاوید فیصل نینگ سلام وطندارگه بیلدیریشیچه، افغانستان رهبرلری رسمی کابل بیلن واشنگتن علاقهلری مستحکمله نیشی اوچون امیریکه گه سفر قیلهدیلر.
عین حالده، امیریکه نمایندهلر مجلسی نینگ رییسی جان بینر، افغانستان جمهور رییس داکتر محمد اشرف غنی دن، امیریکه گه قیلهجک سفری دوامیده مذکور مجلسده سوزگه چیقیشینی سوره گن. بینر، جمهور رییس غنی قیلهجک سفری کابل و واشنگتن علاقهلری یخشیله نیشی اوچون مناسب چقریش بولگن لیگینی بیلدیرگن.
سابق جمهور رییس کرزیدن سونگ امیریکه کنگره سیده سوزگه چیقه دیگن ایکینچی شخص داکتر اشرف غنی بولیشی ایتیله دی.
اشرف غنی نینگ امیریکه گه قیله جک سفری مارچ آیی نینگ 22 دن 25 گچه رجه لنتیریلگن. سفرده ایکله مملکت همکارلیکلری، امیریکه دولتینی افغانستاننی داملی شکلده حمایت قیلیشی و ایکی دولت علاقهلری کوچلنتیریش کبی مسالهلر محالمه ایتلیشی ایتیلدی.
