تانیقلی ترجمان، ادبی تنقیدچی، یازوچی و شاعر محمدعلی سپانلو، دوشنبه کونی 21- ثور تنفسی کسل‌لیگی باعث 57 یاشده عالم اوتدی.
سپانلو، 1319- ییل 29- عقرب تهرانده دنیاگه کیلگن. فارس تیلی‌گه شهرت قازانگن مذکور شاعر، شعر ایتیش یانیده یخشی ترجمان هم بولگن.
او، اگزیستالیست بیلیم دانلری «آلبر کامو» و «ژان پل سارتر» کبی‌لر اثرینی ترجمه قیلگن.
شونینگ‌دیک سپانلو«رخساره»، «شناسایی»، «ستارخان» و آرامش فیلم‌لریگه نقش اوینه‌گن. سپانلو، اوزی «برچه مرده‌لر آتی یحی» ناملی 90 دقیقه‌لیک فیلم توزه تکن.
سپانلو، ایران‌نینگ 40- دهه شاعرلریگه باغلیق بولگن. مذکور دهه فروغ فرخزاد، احمد شاملو و مهد اخوان ثالث ایشلری بیلن تانیله‌دی.
محمدعلی سپانلودن حاضرگه قدر شعر اثرلر جمله‌دن «سندباد غایب»، «رگبارها»، «پیاده روها»، «هجوم»، «نبض وطنم را می‌گیرم»، «خانم زمان»، «تبعید در وطن»، «فیروزه درغبار»، «ساعت امید»، «خیابان‌ها»، «بیابان‌ها»، «پاییز دربزرگ‌راه»، «ژالیزیانا»، «کاشف ازیاد رفته‌ها» و «قایق سواری درتهران» اثرلری چاپ بولیب ترقتیلگن.
شاعرنینگ شعری اثرلری، هالندچه، آلمان‌چه، انگلیس‌چه، فرانسه تیلی، عرب و سویدن تیل‌لریگه ترجمه بولگن.
سپانلو، فرانسه اکادمیه‌سی تماندن شوالیه، لژیون دوبور نشانه‌سی و ماکس ژاکوب شعری ساورینی عمر بویی هنری ایشلری اساسی‌ده قولگه کیریتکن.
