سلام‌وطندارگه صحبت بیرگن پکتیا حاکمی سوزلاوچیسی عبدالله حسرت نینگ ایتیشیچه، طالبان گروهی قومندانلریدن بیری قاری عزیز، حربی عسکرلردن بیری نینگ تورموش اورتاغی و اوغلی نی مذکور عسکرنی ابه‌سی‌نینگ اوغلی نی توی مراسمی ده اولدیرگن.
جناب حسرت گه کوره، حربی عسکرنینگ آتی دیدار دیر و 14 ییل دن بویان حربی کوچلر تشکیلاتیده فعالیت قیله‌دی.
پکتیا حاکمی سوزلاوچیسی نینگ ایتیشیچه، امنیتی و کشفی اداره‌لر واقعه عاملی نی قولگه آلیش اوچون سعی و حرکت قیلماقده.
اولدیریلگن عیال نی ایری دیدارنینگ ایتیشیچه، تورموش اورتاغی و اوغلی نی ابه‌سی نینگ اوغلی نی تویی گه یوبارگن ایکن بو واقعه یوز بیرگن.
جناب دیدارگه کوره، قاری عزیز اونینگ تورموش اورتاغی و اوغلی نی او حربی تشکیلاتی ده بولگنی اوچون اولدیرگن.
بوندن آلدین حکومت و طالبان گروهی آره‌سیده یوز بیرگن آتیشمه‌ده کوپینچه تینچ اهالی هلاک ایتیلگن؛ بیراق بو بیرینچی مرته کیم طالبان گروهی نینگ بیر قومندانی حربی عسکرلریدن بیری نینگ تورموش اورتاغی و اوغلی نی توی مراسمی ده اولدیرگن.
عین حالده، طالبان گروهی بیر خبرنامه نشر قیلیب بو واقعه‌ده اولرنینگ قولی بارلیگی نی رد قیلگن. مذکور گروه نینگ ایتیشیچه، حربی عسکرنینگ تورموش اورتاغی و اوغلی شخصی خصومت‌لرگه قربان بولگن.
