قندهار ولایتیده 205 اتل قول اردو عسکری عجبگل، 4 ییل وظیفه قیلگنیدن سونگ، بیر دنیا امید بیلن عایله اعضاسینینگ یانیده بیر مدتنی اوتکزیش اوچون اوی گه قیتهدی. لیکن وظیفه گه قیتگنیدن سونگ، باشقه عایلهسینی کوره آلمهسیدن خبر سیز دیر. او، جاری ییل جوزا آییده قندوز دن قندهار تامان کیتهیاتگن چاغیده طالبلر تامانیدن اوشلهنیب و اولدیریلگن؛ بیراق اونینگ جسدی قندهی بیر شکلده قندوز گه انتقال بیریلگنی، مدافعه وزیرلیگینینگ دقتسیزلیگی و بو عسکرنینگ اکرامیهسی توللنمهگنی عجبگل نینگ عایلهسینی دردینی کوپهیتیرگن.
سلاموطندار خبرچیسی گه صحبت بیرگن عجبگل نینگ آتهسی محمدگل، اوغلینینگ جسدی نی قندهی بیر شکلده تاپگنی و جسدنی قندهی بیر شکلده قندوزگه انتقال بیرگنیده حکومتنینگ دقتسیزلیگیدن شکایت قیلهدی. اوشبو عسکرنی آتهسینینگ ایتیشیچه، اوغلینینگ نیچه آی خبری کیلمهگنی اوچون اونی آختریشگه باشلهگن و اوغلینینگ اولدیریلگنینی بیر هیداوچیدن اورگنهدی و بیر آیدن سونگ جسدی نی تاپهدی.
عجبگل نینگ آتهسینی ایتیشیچه، اوغلی اولگنیدن سونگ، نیچه مرته 205 اتل قول اردو و مدافعه وزیرلیگی گه مراجعت قیلگن؛ بیراق مدافعه وزیرلیگی اوغلینینگ اکرامیهسینی بیریشدن وازکیچگن.
اونینگ ایتیشیچه: «اوغلیم تورت ییل حربی صفیده ایدی و اهالیگه یاردم بیردی؛ بیراق حاضر بو دولت بیزگه یاردم بیرمهیدی.»
شونینگدیک، هلاک ایتیلگن عسکر ایناغهسی رجبگلنینگ ایتیشچه، ایناغهسینینگ اکرامیهسینی قولگه کیریتیش اوچون نیچه مرته 205 اتل قول اردو و مدافعه وزیرلیگی گه مراجعت قیلگن؛ بیراق مذکور وزیرلیک مسؤوللری، عجبگل منفک بولگن دیگن.
بیراق، مدافعه وزیرلیگی سوزلاوچیسی اورین باسری محمد رادمنشنینگ ایتیشیچه، اوروش میدانلریده هلاک ایتیلگن و یرهلنگن عسکرلرنینگ انتقال بیریشده هیچ قندهی سعی و حرکتدن وازکیچمهگنلر.
رادمنش گه کوره، عجبگلنینگ عایلهسینی اعتبارلی حجتی بولگنده، اکرامیهسینی قولگه کیریته آلهدی.
عجبگل، مدافعه وزیرلیگی مسؤوللرینینگ مهرسیزلیگیگه دوچ کیلیب و عایله اعضالری بوندن شکایت قیلگن بیرینچی آدم ایمس دیر. بوندن آلدین هم هلاک ایتیلگن عسکرلرنینگ عایله اعضالری نیچه مرته مدافعه وزیرلیگی رسمیلرینینگ دقتسیزلیگی و مهرسیزلیکلریدن تنقید قیلگنلر.
