.jpg)
قندوز ولایتی نینگ امینتی محلی رسمیلری، پولیس‌نینگ بیر منصب‌داری شامل احمد خالد ناملی بیر تینچ اهالی پولیس‌نینگ حربی معلوماتی‌نی قوراللی طالب‌لرگه ییتکزیش عبی بیلن قولگه آلینگن لیگی باره‌سیده خبر بیرگن‌لر.
قندوز پولیس قوماندانی جنرال محمد قسیم جنگل باغ، پولیس‌نینگ اوشبو عسکری محمد خالد ناملی شخص همکارلیگی ده پولیس‌گه تیگیشلی حربی معلومات‌لر و عملیات‌لر تفصیلاتی نی قوراللی طالب‌لرگه ییتکزیب بیرگن لیگینی بیلدیرگن.
قندوز امنیه قوماندانی گه کوره، محمد خالد شونینگ‌دیک بیر کیچه‌نی پولیس قوماندانلیک بناسیده اوتکزکن. خالد، قولگه آلینگن پولیس عسکری همکارلیگی بیلن پارتلاوچی ماده همده انتحاری شخص نی قوماندانلیکک‌ه اوتکزیب قانلی حادثه عمل‌گه آشیریش‌نی ریجه لنتیرگن.
امنیتی بیر منبع‌نینگ سلام‌وطندارگه ایتیشیچه، محمد‌خالد نینگ تیلفونی‌ده قندوز ده‌گی قوراللی طالب‌لرنینگ تیلفون رقمی هم موجود بولگن.
.jpg)
قندوز ولایت کینگشی نینگ اعضاسی امرالدین ولی، قوراللی طالب‌لرنی حربی معلومات‌لرگه قول تاپیشی باره‌سیده خواطر بیلدیریب، ولایت امنیتی مسوول‌لریدن امنیتی کوچلر صفی‌نی دشمن نفوذیدن تازه‌لشنی سوره‌گن.
شونینگ‌دیک ولایت امنیتی کوچلری صفیده قوراللی طالب‌لرنینگ نفوذی بارلیگی‌نی تصدیق‌له‌گن ولایت والیسی‌نینگ سوزلاوچی‌سی یسید محمود دانش، ملی پولیس کوچلری صفیگه دشمن نفوذی آلدینیشی آلیش اوچون سعی وحرکت‌لر آلدین دن کوره کوپیگن دیگن.
عین حالده، افغانستانلیک سیاسی و حربی تحلیلچی‌لر مملکت ملی کوچلری صفیده جنگری‌لرنینگ نفوذی بارلیگی‌دن خواطر بیلدیریب کیلگن لر. اما، افغانستان مرکزی حکومتی مساله اوچون اونچه‌لیک جدی یانده‌شمی کیلگن.
