اوتگن کیچه کابل پولیسی تامانیدن اوزگریش قوزغلانی چادرلرینی کوتاریش جریانیده ایکی اعتراضچی اولدیریلگن. حادثه کیچه نینگ یریمی‌ده اوزگریش قوزغلانی‌نینگ شیرپور تورت یولیده‌گی مرکزی چادریگه امنیتی کوچلر هجوم قیلیب تظاهراتچیلر قرشی‌لیگی بیلن روپه‌ره بولگن بیر حالده روی بیرگن.
اوزگریش قوزغلانی‌نینگ اعضالری سلام‌وطندارگه، اوتگن کیچه کابل گارنیزیونی وامنیتی کوچلر اولرنینگ چادرلرینی ییغیش نتیجه‌سیده امنیتی کوچلر بیلن تظاهراتچیلر ارا بولیب اوتگن قونشیش نتیجه‌سیده اعتراضچیلردن ایکی کیشی جان بیرگن و باشقه ۸ کیشی تن جراحتی آلگن دیدی.
قوزغلان‌نی رهبری اعضاسی‌نینگ کوپه‌یتیریشیچه، حاضرگه قدر ۱۲ اعتراضچی پولیس تامانیدن قولگه آلینگن و بیرقطاری هم یوقالگن.
جاری آی ۱۲-سیده وزیر محمداکبرخان منطقه‌سیده موترگه اورنه‌تیلگن بمب پارتله‌نیش نتیجه‌سیده قانلی حادثه روی بیریب ۱۵۰ دن آرتیق انسان هلاک و ۴۰۰دن آشه انسان ایسه یره‌دار بولگندن ایکی کون سونگ یشاوچیلرنینگ اعتراضی باشلندی.
تظاهرات بیرینچی کونیده اعتراضچیلردن ۶ کیشی امنیتی کوچلر اوق اوزیش نتیجه‌سیده جان بیردی و باشقه ۱۰ کیشی هم یره‌دار بولگن ایدی.
