د کندوز ولایت د ۶ ولسوالیو ښوونکیو ته د پوهنې وزارت لهخوا د تېرو ۵ میاشتو تنخواوې نه دي ورکړل شوي. دغه ښوونکي وايي تر هغو چې د معتمد له لوري ورته معاشونه ورنه کړل شي؛ ښوونځي به دغه ډول تړلي وي.
د چهاردرې ولسوالي یو معترض ښوونکي محمد عظیم سلاموطندار ته وویل، د تنخواګانو ځنډ له امله ګڼو اقتصادي ستونزه سره مخ دي.
اعتراض کوونکي ټینګار لري، دوی ته معاشونه باید د معتمد له په واسطه ولېږل شي او د بانک له لارې د پیسو اخیستل په ورځو نوبت غواړي.
خو د کندوز ولایتي شورا غړی امرالدین ولي وايي طالبانو معترض ښوونکي اړ کړي ترڅو معاشونه د بانکي حساب پرځای د معتمد په وسیله واخلي او دغهراز د پوهنې ریاست هم دغه کار ته زمینه برابره کړې.
ورته وخت کې د کندوز پوهنې ځای ناستي رییس محمد رستم احمدي وویل د ښوونکیو غوښتنو پر بنسټ پوهنې ریاست پرېکړه وکړه چې تنخواګانې د بانکونو له لارې اجرا کړي او دا چاره د فساد مخنیوي کوي.
د ریپوټونو لهمخې، په کندوز کې شاوخوا ۵۰۷ بابه ښوونځي دي چې ۱۲۱ هغه يې په مرکز کې فعال دي او ۳۸۶ نور يې په ولسوالیو کې دي چې له شلو ورځو راهیسې بند دي.
زیاتره هغه سیمې چې ښوونکیو يې د تنخواګانو نه ورکړې له امله اعتراض کړی د طالبانو په ولکه کې دي.
