د میدان وردګ وچارواکي وايي، د تېرې ورځې راهیسې د دغه ولایت په بهسودو ولسوالۍ کې د ناپیژانده کسانو له لوري ۷ تنه کوچیان تښتول شوي دي.
ښاغلي د میدان وردګ والي ویاند عطاء الله خوګیاڼي سلام وطندار ته وویل، چې یاد کسان د بهسودو ولسوالۍ بازار ته د سودا رانیولو لپاره تللي وو، چې په لاره کې د ناپېژانده کسانو له لوري تښتول شوي دي.
هغه زیات کړه، چې په دې اړه د میدان وردګو ولایت مقام، ولایتي شورا، امنیې قوماندانۍ او قومي مخورکار کوي، چې تښتول شوي کسان د تښتوونکیو له منګلو وژغوري.
دا په داسې حال کې ده، چې د تېرو درېیو ورځو راهيسې په بهسودو او دایمیرداد ولسوالیو کې د کوچیانو او هزاره ګانو ترمنځ د ځمکې پر سر شخړې روانې دي.
په تېرو نښتو کې له دواړو لورو، یو – یو تن وژل شوی او یو ټپي شوی و.
