د فاریاب ولایت امنیتي چارواکي وايي، چې په دې ولایت کې د تېرې ورځې درنې واورې ورېدنې له امله ۲۵ تنه وژل شوي او ۶ تنه نور ټپیان دي.
د دوی په خبره، پشتونکوټ، اندخوی، قرم قول، بلچراغ او دولت اباد ولسوالیو کې ۳۰ تنه د څوو شپنو په ګډون تري تم شوي دي.
د فاریاب ولایت د امنیې قوماندانۍ د امنیت امر میرامان الله ظافر نن په یوې خبري غونډه کې وویل، د میمنې او خواجه سبزپوش ولسوالۍ د لارې په اوږدو کې په واوره کې شاوخوا ۷۰ د سپرلۍ ایسار شوي موټر د امنیتي ځواکونو له خوا ژغورل شولي دي.
ظافر وايي، د سختې یخنۍ له امله شاوخوا ۴ زره کورني ژوي مړه او تري تم شوي دي.
ده وویل، د قرم قول په ولسوالۍ کې د واورې له کبله څو کورونه هم نړېدلي دي.
د فاریاب ولایت امنیې قوماندانۍ وویل، د بېړنیو حالاتو او طبیعي پېښو سره د مبارزې کمېټې زیانمو شویو خلکو ته د مرستې رسولو پوره چمتووالی نیولی دی.
.jpg)
په ورته وخت کې په هرات کې د واورې ورېدنې او سیلابونو راوتلو له امله لسګونه کورونه ویجاړ شوي او زرګونه جریبه کرنیزه ځمکه یې تخریب کړې ده.
د ۲۰۷ ظفر قول اردو قوماندان امین الله مبین وايي، چې د ګذرې ولسوالۍ په هزار جریب کلي کې شاوخوا ۵۰۰ کسان له تېرې شپې راهیسې په سیلاب کې بند پاتې شوي وو؛ د امنیتي ځواکونو له لوري وژغورل شول.
د دې ولسوالۍ خلک وايي، سیلابونو یې ځمکې او شتمنۍ وړې د مرستې غوښتنه کوي.
د هرات ولایت د طبیعې پېښو سره د مبارزې ادارې رییس عبدالحمید مبارز حمیدي له زیانمنو شویو خلکو سره د مرستې کولو خبر ورکوي او وايي، چې په دې پېښه کې یو ماشوم وژل شوی دی.
د والي ویاند جیلاني فرهاد بیا وايي، چې په سیلابونو کې ۲ تنه وژل شوي دي.
د هرات ولایت له طبیعي پېښو سره د مبارزې ادارې د ریپوټونو له مخې د دې ولایت په ګذره، پښتون زرغون، کهسان، غوریان، کرخ او انجیل ولسوالیو کې سیلابونو لسګونه کورنه ویجاړ کړي او زرګونه جریبه ځمکه یې وړې ده.
