د فاریاب د ولایتي شورا رییس وايي، طالبانو د میمنې ـ مزارشریف په لویې لارې د یوې امنیتي قرارګاه او دوو پوستو د نیولو ترڅنګ د ملي اردو ۲۰ پولیس وژلي، ټپیان کړي او اسیر کړیدي. ویل کېږي چې پهدې پېښه کې ډېر مقدار وسلې او تجهیزات د طالبانو لاس ته ورغلي دي.
د فاریاب ولایتي شورا رییس محمدطار رحماني سلام وطندار ته وویل، دا امنیتي قرارګاه او دوې پوستې د میمنې ـ مزارشریف په لویې لارې د شېرینتګاب ولسوالۍ په ګورزاد کلي په اړوند سیمو کې د طالبانو له لوري نیول شوېدي.
ښاغلی رحماني زیاتوي، پهدې پېښه کې د ملي اردو ۱۰ سرتېري وژل شوي، ۴ تنه ټپيان دي او ۷ تنه اسیران شوي. د هغه په وینا، پهدې پېښه کې د هاوان ۳ دستګاوې، ۳ میله دهشکې، ۳ میله راکټاندازه، ۱۰ میله نوره سلاح او په زرګونو مرمۍ طالبانو له ځان سره وړې دي.
د فاریاب شیرین تګاب ځایناستي ولسوال عبدالحکیم تورکاوغلي هم د امنیتي پایګاه سقوط او د سرتېرو مرګژوبله تاییدوي، وايي چې امنیتي ځواکونو شېرینتګاب ته نږدې څو نورې پوستې هم خوشې کړي او د ولسوالۍ مرکز ته يې شا تګ کړی.
یوې امنیتي سرچینې د نوم نه ښودلو په شرط سلام وطندار ته وویل چې له خواجهسبزپوش تر شېرینتګاب ولسوالۍ پورې ټولو امنیتي ځواکونو خپلې پوستې خوشې کړي او د ولسوالۍ مرکزونو ته تللي دي.
د سرچینې په حواله امنیتي ځواکونه داسې مهال په خواجهسبزپوش ولسوالۍ کې د شاتګ پر مهال د طالبانو له کمین سره مخ شوي چې په پایله کې يې یوه هاموې ټانګ اور اخیستی او ۳ سپاره درې کسان پهکې سوځېدلي او ۵ تنه امنیتي سرتېري طالبانو اسیران کړيدي.
پهدې اړه مو د ۲۰۹ شاهین قولاردو امنیتي چارواکیو د نظر اخېستلو هڅه وکړه؛ خو په پرلهپسې ډول له اړیکو نیولو سره بیا هم بریالي نهشولو.
طالبانو دا پېښه تایید کړېده.
