په بامیانو ولایت کې د کچالو ګل په لومړي جوړ شوي جشن کې د کرنې او اوبو لګولو وزیر، د اسیا پراختیايي بانک استازي، د ولسي جرګې غړو، د بامیانو سیمه ییزو چارواکو او بزګرانو ګډون کړی وو.
د بامیانو والي محمد طاهر زهیر په جوړو شویو مراسمو کې وویل، چې د دغې جشنوارې جوړېدو موخه د کچالو لهپاره مناسب بازار پيداکول او دغه ولایت ته د ګرځندوی پام را اړول دي.
د کرنې، اوبولګولو او مالدارۍ وزیر اسدالله ضمیر وايي، بامیان د کرنې له پلوه مهم د افغانستان یو مهم ولایت دی.
په بامیانو ولایت کې د کچالو ګل جنشوارې په پرانیست غونډه کې سیمه ییزې سندرې وغږول شوې او دغه جشنواره به دوه ورځې نوره هم دوام وکړي.
