په افغانستان کې تر ۲۰۲۴ کاله د ناټو د مرستو تمدید په اړه خبرې دوام لري

د ناټو عمومي مشر جنز ستولنبرګ نن د دې تړون د نوې دورې د شروع په غونډې کې وویل چې د شمالي اتلانتیک سازمان د غړیو هېوادونو یا ناټو ترمنځ مشورې روانې دي چې له افغانستان سره د ناټو پوځي او مالي مرستې دوام وکړي او که نه. په قوي احتمال ویل کېږي، چې د ناټو مرستې به تر ۲۰۲۴ کاله پورې دوام وکړي.

له افغانستانه د ناټو سازمان د ملاتړ په اړه به د روان کال تر جولای پورې خبرې ـ اترې روانې وي او د غړیو هېوادونو په بلې غونډې کې به نهايي شي.

د ناټو عمومي مشر د سولې او خبروـ اترو په اړه تر اوسه په‌دې باور دی چې طالبانو ته د سولې شوی وړاندیز ډېر سخاوتمندانه دی او دا ډله باید له‌دې موکې ګټنه وکړي او د وینو خونړیو کلونو ته د پای ټکی کېږدي.

ښاغلي ستولتنبرګ د طالبانو پسرلینو «خندق عملیاتو» په اړه د یوې پوښتنې په ځواب کې وویل، ناټو په ټول قوت د افغان امنیتي او نظامي ځواکونو سره د مشورو، مرستو او همکاریو په برخه کې خپلو هڅو ته دوام وکوي.

هغه په افغانستان کې راتلونکیو ټاکنو ته په اشارې سره وویل چې د ټاکنو بهیر د امنیت ټینګښت اصلي مسوولیت د افغان ځواکونو دی؛ له‌دې کبله به د ټاکنو په ورځو کې د امنیت ټینګښت په برخه کې د ناټو ونډه کمه وي.البته او د ښاغلي ستولتنبرګ په باور، په راروانو ټاکنو کې د افغان امنیتي ځواکونو ملاتړ د ناټو د پخوانیو ژمونو څخه یوه هغه وه.

ویل کېږي چې په‌دې مشهورې ودانۍ کې دا د ناټو غړیو هېوادونو د مشرانو وروستۍ غونډه وي او له‌دې غونډې وروسته د ناټو غړي نوې ودانۍ ته لېږدول کېږي.