د استقلال روغتون د جراحي او سوځېدنې مرکز ودانۍ چې ۵۰ بستره لري او د نړیوال روغتیايي سازمان او د ایټالیا مرستندویه ادارې له لوري پرې ۶۳ میلیونه افغانۍ لګېدلي، نن پرانېستل شوه.
د عامې روغتیا وزیر فېروزالدین فېروز په استقلال روغتون کې د یاد مرکز پرانېستغونډې ته وویل، که څه هم برسېرنې سوځېدنې په نورو روغتونونو کې هم د درملنې وړ دي، خو د ژورې سوځېدنې د درملنې لپاره د دا ډول مرکز جوړېدو ته اړتیا وه.
اړوند مطالب:
بلخ؛ یو ۳۶۰ بستریز روغتون ګټې اخېستنې ته وسپارل شو
کابل کې یو ۲۰۰ بستریز روغتون پرانېستل شو
په ورته وخت کې د استقلال روغتون مسوولان د جراحي او سوځېدنې مرکز په جوړېدو د خوښۍ څرګندولو ترڅنګ وايي، د دغه مرکز په جوړېدو سره به د سوځېدلیو ناروغانو ستونزې هوارې شي.
د استقلال روغتون د سوځېدنې او پلاستیکي جراحي مرکز مسوول احمدشاه وزیر وايي، د تېرو کلونو په پرتله په وروستیو کلونو کې د سوځېدنې په برخه کې مرګ او میر ۱۵ سلنه را ټیټ شوی دی.
