.jpg)
اوتگن کون بیرقنچه کیشی ایریم عیب‌لاو بیلن قماققه آلیندی. ایتیلیشیچه، بولرنینگ جنایت‌گه قول اوروش‌لری پلچرخی تورمه‌سی ایچیده پلانلشتیریله‌دی. حاضر مذکور تورمه‌نینگ بیرقنچه‌سی نینگ سلام‌وطندار بیلن اوتکزگن صحبت‌ده اوشبو تورمه‌نینگ داستانلریدن حکایت قیله دی.
جمهور رییس‌نینگ یخشی حکومتچی‌لیک اوچون مخصوص نماینده‌سی احمدضیامسعود، اخبارات واسطه‌لریدن بیریگه قیلگن صحبت‌ده، کوپراق ترورچی‌لیک عمل‌لر مملکت تورمه‌لری ایچیدن مدیریت ایتیله‌دی.
نیچه ییل تورمه‌ده قماق مدتی‌نی اوته‌گن عزیزالله گه تورمه‌ده‌گی‌لر قنده‌ی قیلیب، تشقریده‌گی‌لر بیلن علاقه قوریشی باره‌سی‌ده بیریلگن سوراققه، قول تیلفونلری آسانلیک بیلن قول‌گه کیریتیله دی دیگن.
عزیزالله‌گه کوره، بونده‌ی اسکونه‌لرنی تورمه‌ده موجود بولیشی توسیلگن لیگی‌گه قره‌می، تورمه‌نینگ یوقاری مرتبه‌لی رسمیلری و حکومت مسوول‌لری، اوز کیشی‌لری اوچون بونده‌ی اسکونه‌لر ییتکزیلیشی‌گه شرایط یره‌تیب بیره‌دیلر.
اونینگ حکایه قیلیشیچه، تورمه‌نینگ اتاقلری تیکشیریله دیگن چاغده محبوس‌لر تیلفونلرنی بیر عمللب باشقه اتاقلرگه ییتکیزه دی.
ایریم پیت‌لرده ایسه اوشبو تیلفون‌لر بیر سیم کارت بیلن محبوس‌لر اورته‌سیده قولمه قول بوله‌دی. شونینگ‌دیک عزیزالله پلچرخی تورمهسیده قوراللی طالب‌لر و حقانی ترماغی‌نینگ اعضالری آزاد تبلیغ قیله دیلر دیگن. او، "قاری طیب" تورمه ایچیده اوزینی قوراللی طالبلرنینگ نماینده‌سی تانیشترگن دیدی.
عزیزالله قاری طیب یانیده بولگن قول تیلفون بیلن تیکین صورتده برچه ترماق‌لری بیلن علاقه قوریش امکانیتی‌گه ایگه دیگن. ملی اردوده تجربه‌سی بولگن مذکور محبوس‌‌نینگ سوزلریگه قره‌گنده، عادی جنایت‌گه عیبلنگن محبوس‌لردن کوره قوراللی طالب‌لر تورمه‌ده کوپراق اعتبارگه آلینه دیلردیگن.
عزیزالله، حقانی و طالبان اعضاسی هر تورمه ایچیده 5 مینگ دن 10 مینگچه آیلیک قول‌گه کیریته دیلر دیگن. شونینگ دیک اوشبو محبوس، ترورچی گروه‌لر تورمه‌ده بوشلیق‌لردن فایده‌له‌نیب حکومتنی کفرگه عیبلیدی دیگن.
عزیزالله، قوراللی طالب‌لر ایچیده‌گی قرمه قرشیلیک‌لر هنوز تورمه‌گه ییتمه‌گن لیگینی ایتگن. حتی بعضی پیت‌لر جنگری طالبلرنینگ تورمه‌ده‌گی اعضالریدن بیرارته‌سی اعدامگه حکم بولگن حالده، صفداشلری اعتراض بیلدیریب دادگاه حکمی کیین‌گه قالدیریش‌گه سبب بوله دیلر.
عزیزالله، محبوسلرنینگ تورمه‌ده بیر قول بولگن‌لیگی ینگی‌دن قماققه کیله‌دیگن‌لرنی اوز صفتلریگه تارتیش‌گه هم سعی وحرکت قیله دیلر دیگن.
اوشبو محبوس حکایه‌لریگه قره‌گنده، تورمه اتاقلرینی محافظت قیلوچی قوریقچی‌لر اتاقلرگه کیرمس‌دن محبوسلرنی میله‌لر آرقه‌سیدن محبوسلرنی کوزه‌ت‌دیلر.
شونینگ‌دیک عزیزالله تورمه‌ده روی بیرگن ایکّی قتل حادثه‌سی حقیده حکایه قیله‌دی. « تورمه‌ده جنایی محبوس‌لر بیلن طالب‌لر اورته‌سیده یوز بیرگن واقعه‌ده ایکّی کیشی هلاک بولگن؛ اما امنیتی کوچلر فقط جسدلرنی محل‌دن آلیب چیققن‌لر لیکن کیشی قیضه‌نی تیکشیرمه‌گن»
.jpg)
ایتیلیشچیه، پلچرخی تورمهسیده ایریم قورال ییراق جمله‌دن پیچاق آسانلیک بیلن قول‌گه کیریتیله‌دی. شونینگ‌دیک جمهور رییس‌غنی‌نینگ فرمانلری تورمه ایچیده ساتیلیشی تاکیدلنه‌دی.
ایچکی ایشلر وزیرلیگی‌نینگ تورمه‌لر باشلیغی عبدالحلیم کوهستانی، محبوسلرنی ایریم اسکونه‌لر جمله قول تیلفون‌لرگه قول تاپیشلرینی تصدیقلب ایتیشیچه، محبوسلرنینگ اتاقی تینتاو ایتیلگن‌ده بونده‌ی اسکونه‌لر قول‌گه کیریتیلگن.
لیکن، جنا کوهستانی امنیتی اداره‌لر تورمه‌ده آلیب اوتیله دیگن قول تیلفونلری و سیم کارتلرنی آلدینی آلیش اوچون زمانوی اسکون‌گه ایگه بولمه‌گن لیکلرینی ایتگن.
اونینگ سوزلریگه کوره، محبوس‌لر دولت تیلفونلریدن فایدهله‌نیش حقوقی‌گه ایگه، اما، قول تیلفونی‌گه رخصت بیریلمیدی.
