.png)
بغلان ولایتی‌نینگ بلدیه ادارهسینی حسابات مدیری، مذکور ولایت‌نینگ بلدیه ادارهسینی اونملی حجت‌لری بلدیه باشلیغی و اوشبو اداره‌نینگ مالی و اداری اورین باسری تامانیدن اوغیرلنگنی‌دن خبر بیره‌دی.
پلخمری بلدیه ادارهسینی حسابات مدیری محمدداوود ستارزاده نینگ ایتیشیچه، نیچه پیت آلدین بلدیه باشلیغی‌نینگ شخصی ایشی‌نی قیلمه‌گنی باعث، ایش‌دن آلینگن ایدی و بوگون قیته‌دن ایش‌گه کیلگن، بیراق کیلگن بیرچاغده حسابات اداره‌سی‌نینگ اونملی حجت‌لری جای‌گه یوق ایکن.
پلخمری بلدیه ادارهسینی حسابات مدیری‌نینگ اوشبو اداره باشلیغی و مالی و اداری اورین باسرینی اوغیرلاوچیلیک‌که عیب‌لب ایتیشیچه، اولر اوتگن کیچه ایش میزی‌نی سندیریب و مذکور حجت‌لرنی اوزلری بیلن آلیب کیتگن.
پلخمری بلدیه‌سی‌نینگ نظارتی آمری چمران، بو اداره حجت‌لرنینگ اوغیرلنگنی‌نی تصدیق‌لیدی؛ بیراق مذکور حجت‌لر کیم‌لر تامانیدن اوغیرلنگنی خصوصیده صحبت قیلمه‌یدی.
پلخمری بلدیه‌سی‌نینگ نظارتی آمری، عدلی و قضایی اداره‌لردن بو موضوع‌نی جدی صورتده تیکشیریشی‌نی سوره‌یدی.
بو توغریده پلخمری بلدیه‌سی‌نینگ باشلیغی و اداری اورین باسری‌نینگ فکرینی آلیش اوچون سعی و حرکت قیلدیک؛ بیراق تماس‌لریمیزگه جواب قیترمه‌دی.
