ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده 1175 شبههلی کیشی دن آلینگن نمونهلر جملهسیدن 460 تهسی نینگ نتیجهسی ایجابی تانیلگن.
کرونا ویروسیدن اوشبو ینگی ایجابی واقعه شامل مملکت بوییچه بو ویروسیگه چلینگنلرنینگ سانی 30175 کیشیگه کوپهیگن.
بوگون "پنجشنبه" ساغلیقنی سقلش وزیرلیگی نینگ عامهوی رابطهلر بولیمی مسوولی سعیدالدین جامی نینگ ایتیشیچه، اوتگن 24 ساعت جریانیده کرونا ویروسیگه چلینگنلردن 36 تهسی دنیا دن اوتیب و باشقه 305 تهسی درمانلنگن دیر.
ساغلیقنی سقلش وزیرلیگی تامانیدن بیریلگن آمارلرگه کوره، مملکت بوییچه حاضرگهقدر کرونا ویروسیگه چلینگنلردن 10174 تهسی درمانلنیب و باشقه 675 تهسی دنیا دن اوتگن.
ایتیلیشیچه، حاضرگهقدر دنیا بوییچه 3 میلیون و 535 مینگ کیشی کرونا ویروسیگه چلینگن و بو جملهدن 485 مینگ تهسی دنیا دن اوتیب و باشقه 5 میلیون و 180 مینگ تهسی درمانلنگن دیر.
