غور ولایتی مرکزی فیروزکوه شهریده جایلشگن مکتبلردن بیرقطارینی اوقیتووچیلری آیلیکلری کملیگی باعث، اعتراض قیلیب ایشدن قول تارتگنلر.
اوشبو اوقیتووچیلردن بیرقطاری نینگ ایتیشیچه، مرکزی حکومت هردایم آیلیکلرینی کوپهیتیریشیدن وعده بیرگن، بیراق حاضرگهقدر بو وعدهلر عملگه آشیریلمهگن.
مذکور اوقیتووچیلرگه کوره، ایستکلریگه دقت بولمهگن صورتده، اعتراضلریگه دوام بیریب و درسگه حاضر بولمهیدیلر.
عینحالده، غور حاکمی نینگ سوزلاوچیسی عبدالحی خطیبی، اوقیتووچیلرنینگ بو حرکتیدن حمایت قیلیب ایتیشیچه، اوشبو ولایت اوقیتووچیلریدن بیرقطاری یمان وضعیتده حیات کیچیرهدیلر.
غور ولایتی بوییچه معارف ریاستی سرپرستی فضلالخق نجات نینگ ایتیشیچه، اوقیتووچیلر ایستکلرینی مرکزی مسووللر بیلن شریک قیلهدی.
غور ولایتی بوییچه معارف ریاستی مسووللری، اوقیتووچیلردن ایستکلریگه دقت بولگنگهقدر ایشلریگه دوام بیریشنی سورهگنلر.
ایتیش کیرهککه نیچه پیتآلدین هرات ولایتیده قطار مکتبلرنینگ اوقیتووچیلری ایشدن قول تارتیب حقوقلرینی کوپهیتیریلیشینی طلب قیلگن ایدیلر.
شوتوغریده…
