د ۲۰۱۵کال اګسټ و چې ویتوریو کازامونیکای «پلارولۍ یا The Godfather» او د روم مشر ومړ. ښايي د ټولو ګومان دا و چې د کازامونیکای د جنازې مراسم به په پټ ډول د خلکو له سترګو پناه وشي.
خو د کازامونیکای خاورو ته سپارلو مراسم د تصور خلاف په رڼا ورځ د روم په یوې مشهورې کلیسا کې وشول. له کلیسا بهر اکستر د «پلارولۍ یا The Godfather» فېلم موسیقي غږوله. کازامونیکای د نړۍ د مشهورو مافیايي ډلو د مشرانو له جملې و چې د ژوند او مرګ سبک یې د ډېرو لهپاره ایډیال شو.
«پلارولي یا The Godfather» د ماریو پزو رومان دی چې د ۱۹۶۹زېږیزد کال د مارچ پر ۱۰مه خپور شو. په همدې نوم له دې رومانه درېګوني فېلمونه هم جوړ شول چې اوس له هغې ورځې ۵۰کاله تېرېږي. «پلارولي یا The Godfather» په امریکا کې د مافیايي کړيو په اړه لیکل شویدی.
دا رومان په امریکا کې د مافیايي کړیو په اړه یو روښانه تصویر وړاندې کوي چې د امریکا د تاریخ ځېنې مهمې پېښې ګڼل کېږي.
