پروان خوفسیزلیک رسمی‌لری اوشبو ولایتده کیسکین حمایوی کوچلرنینگ کاروانی هجوم گه دوچ کیلگنینی تصدیقله‌گن.
پروان پولیسی سوزلاوچیسی عبدالسلیم نوری نینگ ایتیشیچه، مذکور چیت‌ایللیک کوچلرنینگ کاروانی پروان ولایت مرکزی چاریکار شهری نینگ «صیادان» منطقه‌سیده، یول چیککه‌سیده جایلشتیریلگن ماین گه دوچ کیلگن.
پروان پولیسی سوزلاوچیسی گه کوره، حادثه محلی کیسکین حمایوی کوچلر آرقلی باغلنگن و حادثه تلفاتی توغریسیده حاضرگچه بیللی رقم قولگه کیلمه‌گن.
طالبان بیر خبرنامه آرقلی پارتلش مسئولیتی نی بوینیگه آلگن.
طالبان گروهی سوزلاوچیسی ذبیح‌الله مجاهدنینگ ایتیشیچه، مذکور پارتلش‌ده 8 آمریکالیک حربی هلاک و شونینگدیک باشقه 4 حربی یره‌لنگن.
اونگه کوره، اوشبو حربی‌لرنینگ 2 تانکی تخریب بولگن.
افغانستان بوییچه کیسکین حمایوی کوچلر قومندانی مذکور حادثه و اونینگ تلفاتی توغریسیده حاضرگچه هیچ بیر نرسه دیمه‌گن.
