پاکستان حکومتی بو مملکت‌نینگ اسلام آباد شهریده‌گی افغان مهاجرلر کمپینی ویران قیلگن. مذکور کمپ‌ده استقامت قیله‌دیگن افغانستان‌لیک مهاجرلر پاکستان حکومتی‌نینگ بو عملی‌گه ضد اعتراض بیلدیریب، تامان‌لر اورتهسیده آتیشمه یوز بیرگنی ایتیله‌دی. مهاجرلر و پاکستان پولیسی اورتهسیده یوز بیرگن توقنشووده قاچقین‌لرنینگ بیر گودگی هلاک بولیب، اونلب انسان تن جراحتی آلگن.
شونینگ‌دیک مذکور مملکت پولیس کوچلری مهاجرلردن 60ته‌سینی اوزی بیلن بیرگه آلیب کیتگن. ایتیلیشیچه، بولر پولیس تامانیدن کلتک‌له‌نیشی ممکن.
هنوزگچه افغانستان حکومتی مساله اوچون عکس‌العمل بیلدیرمه‌گن. شونینگ‌دیک هلیگچه بیرلشگن ملت‌لر تشکیلات‌ینینگ قاچقین‌لر بوییچه عالی کمیشنیرلیگی هم حادثه اوچون فکر بیلدیرمه‌گن. پاکستان عاموی اخبارات واسطه‌لری‌نینگ گزارش قیلیشیچه، بو مملکت حکومتی پاکستان‌نینگ اسلام آباد شهریده‌گی افغان‌لر برچه‌سی کمپی نی بوزیب تشله‌نیشی‌نی صادر قیلگن.
پاکستان دولتی‌نینگ ایتیشیچه، مذکور کمپ 1985- ییلده افغانستان‌گه سابق شوروی قوشین تارتگن زمانده قوریلگن، و حاضر ایسه بونی بوزیب تشله‌نیشی حتمی دیر. بوکمپ‌نی بوزیش اداره سوزلاووچی‌سی رمضان خالدگه کوره، مذکور کمپ‌نی بوزیب تشلش فرمانی بو مملکت عالی محکمه‌سی تامانیدن صادر ایتیلگن اوشبو محکمه اسلام آباد ده بو کمپ موجودلیگینی ناقانونی دیگن.
جناب خالد، کمپ بوزیب تشله‌نیشی اوچون محل اهالی‌سی آلدین‌دن آگاهلنتیریلگن‌لیک‌لرینی ایتگن. اما، مهاجرلر مساله اوچون بی فرق یاندشگن و نتیجه‌ده پاکستان حکومتی بو محل ویران ایتیلیش حکمی‌نی صادر قیلگن.
پاکستانلیک رسمیلر، افغانستان‌لیک مهاجرلر 2005- ییلده مذکور ییرلرنی تارتیب آلگن لیک‌لرینی ادعا قیلگن‌لر. حادثه جریانی‌دن سلام‌وطندار ویدیولر همده عسک‌لر قولگه کیریتگن. بو عسک‌لرده مهاجرلرنینگ یامان وضعیت‌ده ایکن لیگی کوزه تیله‌دی. عسکلردن بیریده قولی‌ده قرآن شریف بولگن بیر خاتین پاکستانلیک رسمیلردن یشش بناسی‌نی ویران قیلمس‌لیکی‌نی سوره‌یدی.
ویدیولرده پاکستانلیک عیال پولیس‌لر افغان مهاجرلری قولی‌دن قرآن شریف‌نی آلیب اولرنی کلتک‌لشلری کوزه‌تیله‌دی. شونینگ‌دیک اوییلرنی ترک قیلمه‌گن بعضی مهاجرلر ایکینچی قوت‌دن قویی‌گه تشلنگن‌لیک‌لری معلوم بوله‌دی.
افغانستان‌لیک مهاجرلر روزغار تیبره‌تیش اوچون بو منطقه‌ده ایشلش‌لرینی ایتگن‌لر، توسدن بونده‌ی حادثه یوز بیریشی اولرنی جدی معمالرگه روپه ره قیلگن.
آزادلیک رادیوسی‌نینگ پاکستانده‌گی خبرچیسی داوود جبارخیل نینگ سلام وطندارگه ایتیشیچه، مذکور کمپ‌ده حیات کیچیره دیگن 800 عیاله‌دن 240 خانه‌دانی افغانستان‌لیک مهاجرلر بولگن. ملی بیرلیک حکومتی تاسیس ایتیلیب کابینه اعلان قیلیگن دن کیین، مملکت مهاجرلر زویری پاکستان‌گه سفر قیلدی.
سفرده افغانستان دولت بلند مرتبه‌لی رسمیلری همده (یو ان اچ سی آر) اداره‌سی‌نینگ رسمیلری بیلن پاکستان ملازملری اورتهسیده آلیب باریلگن بحث‌لرده پاکستان‌ده قانونی استقامت قیله‌دیگن افغان مهاجرلری‌نی بو مملکت‌ده انچه وقتگ‌چه قالیشلرنی محاکمه ایتیلگن ایدی. اما، مذکور سفردن ایکی آی سونگ «زاخیل» کمپی نینگ اونلب مهاجری جبری شکلده کمپ‌دن چیقاریلدی.
