.jpg)
غور ولایت کینگشی اعضالری و محلی اداره مسؤوللریدن بیرقطاری نینگ ایتیشیچه، لعلوسرجنگل تومنیده قیزلرگه خاص بیخسنگ مکتبی نینگ بِناسینی ایشی 7 ییلدن بویان یریم قالگن و اونگه کیمسه دقت قیلمهیدی.
سلاموطندارگه صحبت بیرگن غور ولایت کینگشی اعضاسی عبدالحمید ناطقی نینگ ایتیشیچه، اوشبو مکتب صحنیده 17 قیشلاقدن توپلنهدیگن کمیده 400 اوقووچی قویاش آستی و آچیق فضاده درس اوقیدیلر.
غور ولایت کینگشی اوشبو اعضاسی نینگ ایتیشیچه، اوشبو ولایتده ایشی یریم قالگن مکتبلر اوچون نیچه مرته دادخواهلیک قیلگنلر، بیراق مرکزی و محلی مسؤوللر بو توغریده هیچ دقت قیلمهگنلر.
شونینگدیک، غور حاکمی سوزلاوچیسی عبدالحی خطیبی، مذکور ولایتده اورگتیش و تربیهلش وضعیتینی قانیقرلی ایمس دیب ایتیشیچه، بو ولایتده قیزلرگه خاص بیخسنگ مکتبی گه علاوه، باشقه 15 دن آرتیق مکتب نی بناسی یوق دیر و اوقووچیلر آچیق فضاده درس اوقیدیلر.
.jpg)
غور معارف ریاستی نینگ سرپرستی عبدالحکیم، بو قیینچیلیکنی تَن آلیب ایتیشیچه، لعلوسرجنگل تومنیده بیخسنگ مکتبی گه علاوه، باشقه آلتی مکتب نی ایشی یریم قالگن.
اونگه کوره، بیخسنگ و باشقه اوچ مکتب نی قوریلیش ایشی تیزلیککه باشلنهدی.
غور معارف مسؤوللریگه کوره، اوشبو ولایتده 841 مکتب فعالیت قیلهدی و بو مکتبلرنی 70% دن آرتیغینی بناسی یوق دیر.
