بوگون «سهشنبه» عبدالعلی مزاری اورته تعلیم مکتبینینگ قیز اوقووچیلری و اوقیتووچیلریدن بیرقطاری، عایله اعضالری بیلن بیرگه غزنی حاکمی اورین باسرینینگ دفترینی برابریده توپلهنیب و ادعا قیلیشلریچه، مذکور مکتبنینگ مدیرینی قرینداشلری اولرنینگ کلتکلگنلر.
اعتراضچیلرنینگ ایتیشیچه، بیر کون آلدین مکتب مدیرینینگ ایشسیزلیگی و مالی فسادی گه قرشی اعتراض بیلدیرگن ایکنلر؛ بیراق مکتب مدیری بیر کوندن کیین قطار قرینداشلری بیلن بیرگه مکتب گه کیلیب و اوقیتووچیلر و اوقووچیلردن بیرقطارینی کلتکلب، اهانت قیلیب و سوککنلر.
قیز اوقووچیلردن بیرقطارینینگ ایتیشیچه، حکومت مسووللری دقت قیلمهگن صورتده، مکتب ایشیگینینگ محل یشاوچیلری تامانیدن یاپیلیشی ممکن.
اوقیتووچیلر و اوقووچیلرنینگ عایله اعضالریدن بیرقطاری اوشبو مکتبده تارتشوولر کوپهیشی دن خواطر بیلدیرگنلر.
عینحالده، غزنی معارف ادارهسینینگ باشلیغی محبالرحمان انصارنینگ ایتیشیچه، عبدالعلی مزاری مکتبده بولگن تارتشوولر و قیینچلیکلر خصوصیده معلوماتی بار و اوشبو موضوعنی تیکشیریش اوچون بیر هیت یوباریلگن.
بوتوغریده مذکور مکتب مدیرینینگ فکرینی آلیش اوچون سعی و حرکت قیلدیک بیراق موفق بولمهدیک.
عبدالعلی مزارینینگ اورته مکتبی غزنی شهرینینگ قلعهشهاده منطقهسیده قرار تاپیب و کمیده 2 مینگ اوقووچی اوشبو مکبتگه تعلیم کورش بیلن شغل لنهدی.
