.jpg)
افغانستان سنتی جماعهسی اینیقسه مرکزلردن اوزاق قیشلاقلرده بولگن قیزلر مکتب باریب و درس اوقیش اوچون کوپینچه قیینچیلیکلرنی باشلریدن اوتکزیشی کیرهک.
بغلان ولایتی نینگ دوشی تومنینی اوزاقده بولگن قیشلاقلریدن بیریده، اوقووچی قیزلر بیر ساعت دن کوپراق پیاده یوریب مکتب گه ییتیشهدیلر. اولرنینگ ایتیشیچه، قیشلاقلریدن مکتبلر اوزاق بولگنی گه علاوه یول جریانی ده بوران و سوو تاشقینلری کبی قیینچیلیکلرگه هم روپهره بولهدیلر.
دوشی تومنی نینگ اوزاقده قالگن قیشلاقلریدن «کلانگذر» یوکسک مکتبی گه کیلهدیگن اوقووچیلرنینگ ایتیشیچه، مکتب گه باریب و کیلیشلری کمیده 3 ساعت طول تارتهدی.
اوشبو اوقووچیلردن بیرینی عایله اعضاسی عبدالعزیزنینگ ایتیشیچه، مکتب اوزاق بولگنی و اوقووچیلر مکتب گه کیچ ییتیشگنلری سبب اوقیتووچیلری تامانیدن قیناققه سالینگنی باعث، عایلهلردن بیرقطاری قیشلاقلرینی ترک قیلیب مکتب گه یقین جایلر یا-ده شهرلرگه کیتگنلر.
عبدالعزیزنینگ ایتیشیچه، دوشی تومنی نینگ اوزاقده بولگن قیشلاقلرینی یشاوچیلری بالهلرینی مکتب گه ییتکیزهدیلر.
دوشی تومنی نینگ معارف ریاستینی نظارت قیلووچی اعضاسی بسمالله نینگ ایتیشیچه، مذکور تومن نینگ اوزاقده بولگن قیشلاقلری اوقووچیلری نینگ قیینچیلیکلرینی بغلان معارف ریاستی مسؤوللری بیلن شریک قیلگنلر و شونینگدیک، معارف گه یاردم بیرووچی ادارهلردن اوشبو اوقووچیلرنی مکتب گه ییتکزیش اوچون نیچه عراده موتر یاردم بیریشلرینی طلب قیلگنلر.
دوشی تومنی معارف مسؤوللری نینگ ایتیشیچه، حاضر مذکور تومن بوییچه 52 مکتب ده قیز و اوغیل 25 مینگ اوقووچی درس اوقیدی و دوشی قیشلاقلریدن کمیده 20 تهسینی اوقووچیلری یول اوزاقلیگی باعث، ایریم قیینچیلیکلرگکه روپهره بولهدیلر.
