پاکستان باش وزیری شاهدخان ایرته «جمعه» بیر بلند مرتبه‌لی هیأت همراه‌لیگی‌ده افغانستان گه سفر قیلیشی ممکن؛ بیراق سیاسی ایش بیلرمانلردن بیرقطاری‌نینگ ایتیشیچه، امریکانینگ سونگی باسقین‌لریدن سونگ، پاکستان سیاسی علاقه‌سینی کوچلنتیریش اوچون سعی و حرکت قیلماقده و بونده‌ی سفرلر افغانستان اوچون نتیجه بیرمه‌یدی.
افغانستان جمهورلیک ریاستی پاکستان باش وزیری‌نینگ سفرینی اونملی دیب ایتیشیچه، اوشبو سفر ایکی دولت آره‌سیده تینچلیک سوزلشوولریگه زمینه یره‌ته‌دی.
سیاسی ایش بیلرمانلردن بیری اکبرخان فولادنینگ ایتیشیچه، پاکستان ینگی اویین یولگه قوییش اوچون حرکت قیله‌دی و بونده‌ی سفرلر امریکانینگ باسقینلری کمه‌ییشی توغریسیده یولگه قوییله‌دی.
سیاسی ایش بیلرمانلریدن باشقه بیری یونس فکوری‌نینگ ایتیشیچه، پاکستان مقام‌لری بیر تاماندن سوزلشوونی اورته‌گه کیلتیریب و باشقه بیر تاماندن تروریست‌لرنی تعلیمات بیره‌دی.
فکوری‌نینگ ایتیشیچه، حاضر پاکستان، امریکانینگ باسقینی آستیده بولگن و بو مملکت سیاسی علاقه‌سی کوچلنیشی خصوصیده، سعی و حرکت قیله دی. اونینگ ایتیشیچه، هوا ایسیق بولیب و اروش شدتلنگنیده پاکستان بونده‌ی ایشلر بیلن شغللنه‌دی.
بیراق جمهورلیک ریاستی سوزلاوچیسی اورین باسری دواخان مینه‌پال‌نینگ ایتشیچه، کابل پروسه‌سی ییغینی‌دن سونگ افغانستان و پاکستان سوزلشوولری باشله‌نیشی گه قرار قیلینگن.
مینه‌پال گه کوره، پاکستان باش وزیری بیلن اولتیرش جریانیده، افغانستان چیگره‌لریده آتیله‌دیگن موشک‌لر و ایکی مملکت آرسیده قیین‌چلیک یره‌ته‌دیگن موضوعلر توغریسیده بحث اوتکزیله‌دی.
اوتگن کون پاکستان تیک اوچرلری، کنر ولایتی‌نینگ دانگام، شلتن، ناری و سرکانو تومن‌لرینی هدف قرار بیرگن ایدی و عین حالده، مذکور مملکت باش وزیری افغانستان گه سفر قیلیش خصوصیده، قرار قیلگن.
