سیاسی تحلیلچی‌لرنینگ ایتیشلریچه، داعش باشقه مملکت‌لرده اوروشدن اینگه‌یگن و پاکستان‌لیک طالب‌لر بیلن افغانستانده اسلامی خلافت قوریشگه اولگورماقده.
تشقی میدیاگه بیانات بیرگن افغانستانده‌گی ناتو کوچلری باشلیغی جان نیکلسون نینگ ایتیشیچه، افغانستانده داعش گروهی آچیق فعالیت قیله‌دی و خراسان خلافتینی ایجاد قیلیش‌گه اولگورگن. بو حرکتنی حمایت قیله‌دیگن تشقی جنگری‌لر قوشیمچه پاکستان‌لیک طالب‌لر هم داعش‌گه قوشیلگن.
سیاسی تحلیلچی‌لرگه کوره، باشقه مملکت‌لرده داعش گروهی نینگ فعالیت‌لری آلدی آلینگن‌لیگی دلیل افغانستانده خراسان خلافتینی قوریش نیتیده کیلگن.
سیاسی تحلیلچی جاویدغفورنینگ ایتیشیچه، افغانستانده خراسان خلافتینی قوریش توشینچه‌سیگه اورین قالمه‌گن و اوشبو توشینچه‌گه افغانلر قرشیلیک بیلدیره‌دی، بیراق داعش‌نینگ مذکور لایحه‌سیدن منطقه استخباراتی حمایت قیلگن و افغانستانده داعشنی کوچله‌نیشیگه تلاش قیله‌دیلر.
پاکستان‌لیک خبرچی‌لردن رحیم‌الله یوسفزی نینگ سلام‌وطندار بیلن قیلگن صحبتده ایتیشیچه، داعش گروهی افغانستانده خراسان خلافتینی قوریشگه کوپلب تلاش قیلگن و شو اوچون مذکور گروه باشلیغ‌لری پاکستانده نیچه مرته سفر قیلگن.
بو پاکستان‌لیک خبرچیگه کوره، داعش گروهی منطقه جاسوسلیک اداره‌لری یاردمی و پولدار شخصلرنی اوغیرله‌شی بیلن مالی نیازمندلیک‌لرینی قولگه کیلتیره‌دی.
سیاسی تحلیلچی‌لردن باشقه بیری محمدیونس فکورهم منطقه مملکت‌لری اینیقسه پاکستان استخباراتی افغانستانده داعش نینگ اسلامی خلافتیدن حمایت قیله‌دی دیب بیله‌دی.
اما ملی مدافعه وزیرلیگی سوزلاوچی‌سی‌نینگ اورین باسری محمد رادمنش نینگ ایتشیچه، مملکت امنیتی کوچلری طالب‌لر و داعش گروهی‌نینگ هرقنده‌ی تحرکاتی فعالیت‌لری آلدینی آلیشگه کوچلری ییته‌دی.
شوحاضر داعش گروهی ننگرهار ولایتی‌نینگ اچین و پچیراگام تومنلریده یوکسک فعالیت قیلیب کیلماقده و اوتگن کون مذکور ایکی تومنده سونگی فعالیت‌لریده اهالی‌نینگ یشش بنالرینی اوتگه یاندیردی.
