افغانستانده امریکه رهبرلیگیدهگی خلق ارا کوچلرینینگ عمومی قوماندانی جنرال جان کمپبل پاکستان قوشمه حربیلر مرکزی نینگ عمومی قوماندانی جنرال راحل شریف بیلن اوچره شیب ملاقات قیلگن. ملاقات دوشبنه کونی بولیب اوتگن. ایتیلیشیچه، اولتیریشده منطقه وضعیتی اینیقسه افغانستان و پاکستان چیگره سیده گی خوف سیزلیک مساله محاکمه ایتیلگن.
پاکستان ملی اردوسی بیر اعلامیه ترقه تیب معلوم قیلیشیچه، جنرال کمپبل دوشبنه کونی پاکستانگه سفر قیلگن. او، مذکور سفرده پاکستان نینگ راولپندی شهریده راحل شریف بیلن اوچرگنی خبر قیلندی. افغانستانده خلق ارا کوچلرینینگ عمومی قوماندانی اوچره شووده، پاکستان – افغانستان چیگره سیده ترورچی لیککه قرشی کورهش اوچون کوپراق هماهنگلیکنی آشیریش همده بو باره ده عملده آدیملر کوتاریلیشی اوستیده تاکیدلنگن.
اعلامیهده یازیلشیچه، اوشبو ایکی حربی رهبر رسمی اسلام آباد بیلن کابل نینگ علاقهلری مستحکم لهنیشی و ینه ایکله مملکت چیگره اورته سیدهگی افراطیتگه قرشی کوره شده اورغولهگنلر.
میلادی اوتگن ییل دسامبر آییده پاکستاننینگ پشاور شهریده حربیلر تصرفیده بولگن مکتبده عملگه آشیریلگن هجومده کمیده 150 اوقوچی هلاک بولگن ایدی. حادثهدن کیین پاکستان دولتی نینگ بلند مرتبهلی رسمیلر جمله دن پاکستان استخبارات اداره سی باشلیغی و ملی کوچلر باش قوماندانی شاشیلینچ حالتده افغانستانگه تشریف بوریب، افغانستان رهبر لری بیلن ملاقات اوتکزیب، ایکله مملکتده ترورچیلیککه ضد مبارزه آلیب باریلیشی اوستیده تاکیدله گن ایدیلر.
بوندن نیچه وقت آلدین هم افغانستانده خلق ارا کوچلرینینگ عمومی قوماندانی مملکت قوشمه کوچلر باش قوماندانی شیر محمد کریمی بیلن پاکستانگه سفر قیلیب، ایکله مملکت مدافعهوی و حربی همکارلیکلری باره سیده بحث آلیب بارگن ایدیلر.
عین حالده، بوندن نیچه کون آلدین جان کمپبل افغانستان و پاکستان چیگره سی حدودیده داعش اعضالری کوزه تیلگن لیگینی تیلگه آلگن بیر چاغده رسمی تشریف بیلن پاکستانگه بارگن.
