اوشبو پارتلش بوگون ایرتهلب ساعت 9:30 ده یوز بیرگن و نتیجهده عبدالجبار قهرمان هلاک و باشقه 8 کیشی یرهلنگن.
ایتیلیشیچه، پارتلاوچی ماده جبار قهرماننینگ چوکیسیده جایلشتیریلگن ایکن.
عین حالده، سلاموطندارگه صحبت بیرگن هلمند حاکمی سوزلاوچیسی عمرزواکنینگ ایتیشیچه، یوز بیرگن پارتلشده جبار قهرمان شامل 8 کیشی یرهلنگن. جناب زواک، قهرماننینگ ساغلیک وضعیتینی آغیر دییدی.
بیراق، عینی گواهلرنینگ ایتیشیچه، یوز بیرگن پارتلشده جبار قهرمان شامل 3 کیشی جان بیرگن و باشقه 8 کیشی یرهلنگن.
جمهورلیک ریاستی بیر اعلامیه ترقهتیب یوز بیرگن هجومنی قارهلگن و جبار قهرماننینگ هردایم مملکت تینچلیگی و آبادانچیلیگی خصوصیده سعی و حرکت قیلهدیگنلردن بیری ایدی دیگن.
اوشبو اعلامیهده ایتیلیشیچه، جمهور رئیس غنی یوز بیرگن پارتلش تیکشیریلیب و عامللری جزالنیشی توغریسیده بویروغ بیرگن.
قوراللی طالبلر بیر خبرنامه صادر قیلیب و اوشبو هجوم مسؤولیتینی بوینیگه آلگن.
عبدالجبار قهرمان بوندن آلدین، نمایندهلر کینگشیده خلق نمایندهسی و حربی ایشلر بوییچه جمهور رئیسنینگ مصلحتچیسی صفتیده فعالیت قیلیب کیلگن.
