سیلاولر ایرکین کمیسیونیدن بیر منبعنینگ سیلاموطندارگه ایتیشیچه، جمهورلیک ریاستی و ولایتی کینگش سیلاولری، 1398-ییل 31-حمل یولگه قوییلیشی ممکن.
جمهورلیک ریاستی سیلاوی‌نینگ زمانی ایرته "چهارشنبه" سیلاولر ایرکین کمیسیونی تامانیدن رسمی شکلده اعلان ایتیلیشی گه قرار قیلینگن. جمهورلیک ریاستینینگ سیلاوی قندهی بیر شکلده یولگه قوییلیشی مملکتده جنجللی مسلهلردن بیر بولگن
حکومت تنقیدچیلریدن بیرقطاریگه کوره، ملی بیرلیک حکومتینینگ جمهورلیک ریاستی سیلاوینی یولگه قویش اوچون ارادهسی یوق.
سیلاولر ایرکین کمیسیونینینگ اروینباسری عبدالعزیز ابراهیمینینگ ایتیشیچه، مدنی جماعه، سیاسی حزبلر و سیلاولردن نظارت قیلیش نهادلر مصحلتی اساسیگه جمهورلیک ریاستی و ولایت کینگش سیلاولرینینگ یولگه قویلیش تاریخی بیللی ایتیلگن.
جناب ابراهیمیگه کوره، بوگون "سه‌شنبه" صورت تاپگن ییغینگه اشتراک قیلگن نهادلر، جمهورلیک ریاستی سیلاوی‌نینگ یولگه قویلیش تاریخی اعلان ایتیلیشیدن حمایت قیلگنلر.
گرچند سیلاولر ایرکین کمیسیونی نماینده لرکینگشی و تومنلر کینگشی سیلاولرینینگ قیینچیلیکلرینی حل قیلیش بیلن مصروف؛ بیراق نظارت قیلهدیگن نهادلرنینگ ایتیشیچه، سیلاولر ایرکین کمیسیونی نماینده لرکینگشی و تومنلر کینگشی سیلاوی‌نینگ تقویمینی عملی قیلیش و اهالینی بو لایحهگه اشتراک قیلیش خصوصیده ناکام دیر.
عینحالده، فیفا اجراییه باشلیغی یوسف رشیدنینگ ایتیشیچه، سیلاولر ایرکین کمیسیونی تدبیر و سنجش قیلمهسدن حکومتنینگ سیاسی فشاریگه قربان بولگن.
جناب رشید گه کوره، حکومتنی سیاسی فشارلردن قورتهریش مقصدده جمهورلیک ریاستی سیلاوی‌نینگ یولگه قویلیش تاریخی اعلان ایتیلگن.
رشیدنینگ ایتیشیچه، سیلاولر ایرکین کمیسیونی، جمهورلیک ریاستی سیلاوینی مدیریت قیلیش خصوصیده جدی قیینچیلیک بیلن روپهره بولهدی.
فیفا اجراییه باشلیغی گه کوره، سیلاولر ایرکین کمیسیونینینگ جمهورلیک ریاستی سیلاوی‌نینگ یولگه قویلیش تاریخینی اعلان قیلیش خصوصیده علمی و عینی امکانات لرنی نظرگه توتیشی کیرک ایدی.
