.jpg)
قطر باشکینتی دوحه شهریده آمریکا و طالبان گروهی نینگ نمایندهلری آرهسیده یولگه قوییلگن تینچلیک سوزلشوولرینی بیشینچی دوری 16 کوندن کیین اوتگن کون کیچ قورون یکونلندی.
افغانستان تینچلیگی بوییچه آمریکا خاص نمایندهسی زلمی خلیلزاد توییتر صحیفهسیده یازیشیچه، ایکی تامان چیتایل کوچلرنینگ افغانستاندن چیقیشی و ترورچیلککه قرشی کورهش گه کفالت بیریش نی دستلبکی لایحهسی اوستیگه کیلیشگن.
جناب خلیلزاد نینگ ایتیشیچه، تینچلیککه قول تاپیش اوچون باشقه ایکی موضوع یعنی افغانلرارا سوزلشوولر و هرتامانلمه آتیش کیسین اوستیگه کیلیشیش کیرهک.
بیراق طالبلر بیر خبرنامه ترقهتیب ایتیشلریچه، سوزلشوولرنینگ اوشبو دوریده چیتایل کوچلرنینگ برچهسینی چیقیشی و افغانستان توپراغیدن باشقه مملکتلرگه قرشی استعمال بولمهسی توغریسیده صحبت اوتکزیلگن.
خبرنامه نینگ باشقه بیر بولیمیده کیلیشیچه، چیت ایل کوچلرنینگ چیقیش زمانی و افغانستان کیلهجگیدن ایشانچ بیریش خصوصیده کیلیشوو صورت تاپگن.
طالبلر سوزلشوولر توختهلگنینی کوپینچه فکر قیلیش و بویوکلر بیلن مصلحت قیلیش اوچون بولگن دیدی.
شو توغریده:
تینچلیک مصلحتی قورولتایی 1398- ییل، 9- ثور ده یولگه قوییلهدی
تینچلیک جریانیدهگی ناانیقلیک و تروریستلر بیلن پاکستان علاقهسی آچیقلهنیشی کیرهک
تینچلیک سوزلشوولری؛ تفصیلاتلر اوستیگه مذاکره دوام ایتماقده
.jpg)
طالبلرنینگ خبرنامه گه کوپهیتیریشیچه، ییغین نینگ اوشبو دوریده آتیش کیسین و «کابل ادارهسی» بیلن صحبت اوتکزیش توغریسیده هیچ قندی قرار آلینمهگن و بو موضوعلر سوزلشوولر آجنداسی گه شامل ایمس ایکن.
شوندی بیر حالده، افغانستان حکومتی آمریکا و طالبلر آرهسیده بولیب اوتهدیگن سوزلشوولردن خرسندلیک بیلدیرگن.
جمهورلیک ریاستی سوزلاوچیسی هارون چخانسوری نینگ توییتر صحیفهسیده یازیشیچه، حکومت یقین کیلهجکده آتیش کیسین اعلام بولیشی و افغانلر ارا سوزلشوولرگه زمینه یرهتیلیشی خصوصیده امید بیلدیرهدی.
