نمایندهلر کینگشینینگ بوگونکی ییغینیده، عدلیه وزیری عبدالبصیر انور، شهر قوریش وزیری سید سعادت منصور نادری و عالی تحصیلات وزیری فریده مومند استیضاح بولگن ایدیلر. بولرنینگ آرهسیدن عالی تحصیلات وزیری ییترلیچه ایشانچ آواز قولگه کیریته آلمهگنی باعث ایشدن آلیندی.
بوگونکی آواز بیریش هم وزیرلرنینگ غیابیده اوتکزیلدی.
عدلیه وزیری 95 ایجابی آواز و 101 سلبی آواز و شهر قوریش وزیری 135 ایجابی آواز و 59 سلبی آواز قولگه کیریتیب جایلریده قالگنلر. بیراق، عالی تحصیلاتی وزیری 63 ایجابی آواز و 131 سلبی آواز قولگه کیریتیب ایشدن آلینگن.
بوگونکی ییغین هم نمایندهلرنینگ ایری توشونچهلری بیلن یولگه قوییلگن. نمایندهلردن بیرقطاری، استیضاح جریانی توختهتیلیب، حکومت و پالمان آرهسیدهگی قیینچیلیک حل ایتیلیشی اوچون نمایندهلر کینگشی تامانیدن بیر هیأت تعیین ایتیلیب و بو موضوع جمهورلیک سرایی بیلن حل ایتیلیشینی سورهگن. نمایندهلردن باشقه بیرقطاری، استیضاح دوام ایتیشینی طلب قیلگنلر.
نتیجهده نمایندهلر کینگشینینگ کاتبی عبدالرؤوف انعامی، وزیرلر استیضاح بولیشی توختهتیلمهسی و 17 وزیر استیضاح بولیشینی بیلدیرگن.
استیضاح ایتیلگن 9 وزیر آرهسیدن حاضرگچه 3 وزیر ایشانچ آواز قولگه کیریتگن و باشقه 6 وزیر ایشدن آلینگن.
