.jpg)
د ولسي جرګې مشر عبدالروف ابراهیمي نن د جرګې په عمومي غونډې کې وویل، طالبان د دې لهپاره چې د مسکو له غونډې ډېر امتیازات تر لاسه کړي؛ خپل بریدونه یې د غزني ولایت په مالستان، جاغوري او د ارزګان ولایت د خاصرزګان ولسواليو او د هېواد په شمالي ولایتونو کې پراخ کړيدي.
د ښاغلي ابراهیمي په خبره، طالبان ډېرې سلاوې پیدا کړي او نړۍوال ځواکونه دې د طالبانو پر وړاندې عملیاتو کې د افغان ځواکونو ملاتړ وکړي.
عبدالروف ابراهیمي زیاتوي، د افغانانو د امنیت خونديتوب ستونزې د حکومت جدي نه پام افغانان د امنیتي او دفاعي ارګانونو څخه ناهیلي کوي.
د ولسي جرګې یو شمېر غړي هم د افغانستان په ځېنو برخو کې د طالبانو د بریدونو په وړاندې د حکومت په نه پام نیوکې کوي.
دوی د رزګان ولایت په خاصرزګان او د غزني په مالیستان او جاغوري ولسوالیو کې د جګړو په اړه د حکومت د ځواب ورکونې غوښتونکي شو.
د جرګې دغو غړیو له حکومته د جاغوري او مالستان ولسوالیو کې د طالبانو په وړاندې د هوایي عملیاتو غوښتنه وکړه.
په ولسي جرګه کې د خلکو دوه تنه استازي احمد بهزاد او عبدالقیوم سجادي وایي چې د حکومت نه پام په یادو دوه ولسوالیو کې انساني ناورین را منځته کولای شي.
 - Copy 1.jpg)
د جرګې د دې استازیو په وینا، غزني او رزګان کې خلک د جګړو له امله بېځایه شويدي.
د غزني په جاغوري ولسوالۍ د طالبانو له برید وروسته دې ډلې نن سهار د دغه ولایت په مالستان ولسوالۍ هم برید کړیدی.
په غزني کې د طالبانو د دې بریدونو په تړاو نن د کابل یو شمېر اوسېدونکیو د ملي شورا د دروازې مخې ته اعتراض وکړ او د حکومت او امنیتي ځواکونو د جدي پام غوښتنه یې وکړه.
