افغان ولسمشر محمداشرف غني د یکشنبې پر ورځ کابل کې د انسجام او څارنې ۲۰ مې غونډې کې د پلازمېنې کابل امنیت د ټینګښت لهپاره له هېوالو ۶ میاشتې وخت وغوښت او ټینګار يي وکړ، چې د پلازمېنې امنیت تامین لهپاره د ښار د څارنې کچه لوړوي.
ده وویل، چې د امنیتي تدابیرو لومړی پیل په راتلونکې اوونۍ کې کېږي.
ولسمشر غني زیاته کړه، چې د کابل د امنیت د ټینګښت لهپاره کورنیو چارو او دفاع وزارت کې پر سمون سربېره په مرکز کې د اوزګارتیا راټیټولو په موخه د کارموندنې بېړنۍ بسته هم جوړه شوې، چې ډېر ژر به پلي شي.
افغان ولسمشر هېواد کې حکومتوالي له حده زیاته متمرکزه وبلله او ټینګار يي وکړ، چې د امنیت له ټینګښت په موخه د خدمتونو وړاندې کول او د اړتیاوو پیژندل، د سیمهییزې زدهکړې درک به د حکومتوالۍ په جوړښت کې بدلون راولي.
ولسمشر همدا راز وویل، چې هېواد کې پېچلې او ژورې قومي ناخوښۍ شته چې د پخوانیو حکومتونو نه پاملرنې او تبعیض له امله دي.
ولسمشر محمد اشرف غني له وطنوالو سره د غونډو له لارې د افغانستان د قطبي کېدو د مخنیوي ژمنه وکړه.
د انسجام او څارنې ۲۰ مه غونډه د ماليې وزارت او یوناما په کوربتوب د کابینې د یو شمېر غړیو، بهرنیو چارواکیو او خصوصي سکتورونو د غړیو په ګډون په کابل کې وشوه.
