افغان ولسمشر محمداشرف غني نن په هرات کې د ګڼو چارواکیو او قومي مشرانو په یوې جوړې شوې غونډې کې د شخصي ملکیتونو د ثبت پروګرام پرانېسته وکړه.
ولسمشر زیاته کړه، وروسته لهدې بېطرحې ځایونه او سیمې د حکومت په اډانه او چوکاټ کې ځای نهلري.
په ورته وخت کې د ځمکو د تنظیم (اراضي) ادارې عمومي رییس وویل چې تر اوسه په ۸ ښارونو کې ۴۰۰ زره استوګنیځ کورونه ثبت شوي او ټاکل شوې، د ۲۰۲۰ زېږدیز کال تر پایه له یو میلیونه زیاتو هېوادوالو ته د ملکیت د وېش سندونه ورکړل شي. هغه زیاته کړه، دا پروګرام باید خپله ولس مخته یوسي، ځکه دا د دوی په ګټه دی.
د هرات والي محمداصف رحیمي د دې پروګرام نه د هرکلي په پار خلکو ته وویل، دا پروګرام د ځمکو د غصب او د ځمکو پر سر د جنجالونو مخنیوی کوي. هغه د خپلو خبرو په دوام زیاته کړه چې د رسمي او باوري سند په لرلو سره د ځمکې ارزښت لوړېږي او په راتلونکي کې د ځمکې څښتن هغه په اسانۍ پلورلی شي.
لهدې سره هممهاله د هرات ځېنې اوسېدونکي د ملکیت سند د وېش هرکلی کوي او وايي، اوسمهال ډېر ملکیتونه ستونزې لري؛ ځکه څوک زړه نه ښه کوي چې په ځمکو پانګونه وکړي.
