افغان ولسمشر محمد اشرف غني د پنجشنبې په ورځ کابل کې د مارشال محمد قسیم فهیم د ملي دفاع پوهنتون د ۹مې دورې افسرانو د فراغت په مناسبت جوړې شوې غونډې ته وویل، چې د ده د ۴ کلن پلان لهمخې به د افغانستان هوايي ځواک تر ۲۰۲۰م میلادي کاله پوره بشپړ او سمبال شي.
د ولسمشر پروینا، د افغانستان هوايي ځواک اوس فعال دی او په نورو پروګرامونو هم کار کوي، چې د امنیتي ځواکونو مرګ ژوبله ټیټې کچې ته راولي.
نوموړي زیاته کړه، چې غواړي د لاسته راوړل شویو تجربو په رڼا کې د یو اوږدمهاله لیدلوري لهپاره ساختاري پروګرام جوړ کړي.
دغه راز افغان ولسمشر غونډې کې د امنیتي ځواکونو له قربانیو ستاینه وکړه او ويي ویل، چې د امنیتي او دفاعي ځواکونو په لیکو کې زیانمنو شويو سرتېرو لهپاره لازم اقدامات کړي او د دوی درملنې لهپاره اوس بهترین روغتیايي تجهیزات برابر شوي دي.
په ورته وخت کې ولسمشر محمد اشرف غني په دغه پوځي پوهنتون کې د خبرو پرمهال هغه کسانو ته ګوت څنډنه وکړله، چې د حکومت مهمات او تیل پلوري همدارنګه د امنیتي ځواکونو ډوډۍ او جامې خرڅوي.
ولسمشر زیاته کړه، هغه مافیايي کړۍ چې د امنیتي ځواکونو حقونه تر پښو لاندې کوي او د دوی له امکاناتو ناوړه ګټه اخلي ورسره به قانوني چلند وکړي.
دا داسې مهال دی، چې په روانې اوونۍ کې د بادغیس سیمهییزو چارواکو د دې ولایت قوماندانۍ ۷ لوړپوړي پولیس او یو ملکي کس په دې تور نیولي وو، چې په وسلهوالو طالبانو يي د قوماندانۍ مهمات پلورل.
د ځینو رپوټونو لهمخې په زیاتره سیمو کې د امنیتي ځواکونو ډوډۍ، تیل او جامې غلا کیږي، چې اوس يي د افغان ولسمشر کلک غبرګون راوپارو او پروینايي نور ورته دا حالت د زغملو وړ نهدی.
