غیرمسوولو وسلهوالو د کندوز ولایت په خاناباد ولسوالۍ کې د یوې کورنۍ ۴ وروڼه ووژل او یو بل یې ټپي کړ.
د خاناباد ولسوالۍ امنیه قوماندان مولوي عبدلظاهر سلام وطندار ته وویل، چې دا پېښه پرون ورځ ناوخته مهال د دې ولسوالۍ په «عرب قدق» سیمه کې داسې مهال شوېده، چې غیرمسوولو وسلهوالو کسانو غوښتل له دې خلکو نه د ځمکو د حاصلاتو عُشر واخلي؛ خو هغوی یې په مقابل کې مخالفت وکړ او د دواړو خواوو ترمنځ نښته رامنځته شوه.
هغه زیاته کړه، چې د نښتې په پایله کې ۴ وروڼه ووژل شول او یو ټپي شو او بلهخوا ۲ تنه غیرمسوول وسله هم ټپیان شول.
د خاناباد ولسوالۍ امنیه قوماندان همدارانګه وویل، چې غیرمسوول وسلهوال د «متینک» په نامه یو سیمهییز غیرمسوول قوماندان پورې اړوند دي، چې له سیمي تښتېدلي دي.
د ده په خبره، دا کسان مخکې هم په ورته جرمونو اخته وو او له پولیسو تښتېدلي وو.
د خاناباد د امنیه قوماندان د معلوماتو له مخې، پهدې ولسوالۍ کې له ۱۷۰۰ نه زیات غیرمسوول وسلهوال موجود دي.
