د عامې روغتیا وزارت د شمېرو پر بنسټ، تېره یوه شپه ورځ کې د هېواد ۱۴ ولایتونو کې د کورونا ویروس له ۱۵۷۰ شکمنو پېښو ۹۱۵ يې مثبتې وې چې په کووېډ۱۹ ناروغۍ د ټولو اخته کسانو شمېر ۱۸ زره او ۹۶۹ ته ورسېد.
له ياد وزارته نن په خپره شوې اعلامیه کې راغلي چې تېرو ۲۴ ساعتونو کې ۴۲۳ کسان په کابل، ۲۰۱ په هرات، ۱۱۶ بلخ، ۲۹ کندوز، ۲۳ کونړ، ۲۱کندهار، ۲۱ فراه او ۲۱ هم سرپل کې ولايت کې ثبت شوي دي.
همداراز ۲۰ هلمند، ۱۵ سمنګان، ۱۱ پکتيا، ۷ ننګرهار، ۴ وردک او ۳ کسان هم لغمان کې دي.
د معلوماتو له مخې تېره یوه شپه او ورځ کې د کووېډ ۱۹ ناروغۍ له کبله ۹کسان مړه شوي او ۱۷۸بېرته روغ شوي چې د ټولو مړو شوو شمېر۳۰۹ او د بېرته رغېدلو هم ۱۷سوه او ۶۳ته رسېږي.
د عامې روغتیا وزارت ټینګار کوي چې د ټولنیز واټن په مراعتولو او روغتیايي سپارښتنو ته په پام سره کېدای شي، افغانستان کې د کورونا ویروس د لا پراخېدو مخه ونیول شي.
