جمهور رییس‌لیک سرایی، هند تشقی ایشلر وزیرلیگی‌نینگ اورین باسری اس جی شنکر ینه بیر مرته افغانستان جمهور رییسی اشرف غنی‌دن رسمی شکل‌ده بو مملکت‌گه سفر قیلیشی‌نی سوره‌گن.
سارک تشکیلاتی‌گه اعضا مملکت‌لرگه تورت کون‌لیک سفر قیلگن شنکر اوز سفری‌نینگ سونگی کونی‌ده اوتگن کون چهارشنبه حوت آیی نینگ 12- سی‌ده کابل‌گه کیلدی. او، افغانستان جمهور رییسی جناب غنی، اجراییه باشلیغی عبدالله عبدالله و تشقی ایشلر وزیرلیگی‌نینگ معینی بیلن اوچره‌شگن.
هند تشقی ایشلر وزیرلیگی‌نینگ سوزلاووچی‌سی سید اکبرالدین، مملکتی تشقی ایشلر وزیرلیگی اورین باسری بو مملکت‌گه قیلگن سفر ی‌گه بغیشلب توییتری‌گه یازیشیچه، افانستان دولت بلند مرتبه‌لی رسمی‌لری اس جی شنکرگه بیز هندوستان‌نی سیوه‌میز دییه تیل‌گه آلگن‌لر.
گزارش‌لرده، افغانستان همده هندوستان بلند مرتبه‌لی رسمی‌لری‌نینگ ملاقات‌لری‌ده بو مملکت‌نینگ افغانستان‌ده‌گی لایحه‌لری ایلگری الیب باریلیشی همده امنیت‌گه عاید موضوع محاکمه ایتیلگنی معلوم قیلینه‌دی.
جمهور رییس‌لیک سرایی‌نینگ خبرنامه‌سی‌گه یازیلیشیچه، اس جی شنکر افغانستان دولتی‌نینگ ایلگری سوره‌دیگن سیاسی آلغه سیلجیش‌لری‌دن راضی‌لیک بیلدیرگن.
عین حالده، هند رسمی‌سی بو مملکت آلغه سیلجیشی اوچون مملکتی هر قنده‌ی یاردم کورسته‌تیش‌گه تیار ایکن لیگی‌نی ایتگن.
هندوستان‌لیک یوقاری مرتبه‌لی هیات افغانستان حکومت رسمی‌لری بیلن بولگن اوچره‌شووی‌ده، افغانستان‌ده سونگی وقت‌لرده‌گی ایریم ساحه‌لرگه یوز بیرگن اوزگریش‌لر اوچون مملکتی‌نینگ ییریک تاثیری بارلیگی و کیلهجکلرده هم تورلی بولیم‌گه یاردم کورسته‌تیلیشی‌دن وعده بیرگن.
جمهور رییس غنی‌نینگ ایتیشیچه، هند افغانستان خلقی‌نینگ اوزاق مدت‌لی دوستی دیر، کیلهجکلرده بو مملکت‌لرنینگ علاقه‌سی بوندن کوره یخشی لنه‌دی.
جناب غنی ترورچی‌لر سیماسی اوزگرگن‌لیگی توغری‌سی‌ده اشاره قیلیب ایتیشیچه، بو پدیده نی یوق قیلیش اوچون منطقه دولت‌لری‌نینگ جدی و هر تامانلمه همکارلیگی‌گه احتیاج بار.
غنی‌گه کوره، آسیا مملکت‌لری رواجلنماقده، آسیا دولت‌لری اقتصادی لحاظ‌دن رواجله‌نیشی اوچون هندوستان‌نینگ ییریک تاثیری بار.
عین حالده، افغانستان و پاکستان نینگ اخیرگی وقت‌لرده دیپلوماتیک علاقه‌لری سابقه سیز صورتده یخشی لشگن.
شونینگ‌دیک پاکستان هم تینچ‌لیک مذاکره لایحه‌سی اوچون افغانستان حکومتی‌گه همکارلیک قیلیش‌دن سوز بیرگن.
پاکستان دولت بلند مرتبه‌لی رسمی‌لری‌گه کوره، افغانستان تینچ‌لیک مذاکره‌سی‌گه همکارلیک قیله دیلر.
میلادی جاری آی دوامی‌ده طالب‌لرنی تینچ‌لیک مذاکره‌گه اولتیریش‌لری کوتیله‌دی.
