آلمان تشقی ایشلر وزیری فرانک والتر اشتاینمایرنینگ ایتیشیچه، مملکتی، افغانستانده تینچلیک تأمینلنیشیگه توسیق بولهدیگنلرنی نابود ایتیشگه یاردم بیرهدی.
جناب اشتاینمایر، افغانستان بیلن آلمان اورتهسیدهگی یوز ییللیک دوستلیگی مناسبتی اساسیده، (یکشنبه کون 8- سنبله) کابلده ایتیشیچه، افغانستان بیلن طالبلر اورتهسیده تینچلیک سوزلشوولری دوام ایتیشی خصوصیده سعی و حرکت قیلهدی.
اشتاینمایر، (یکشنبه کون) ایرتهلب کابل کیلیب مملکت جمهور رییسی، اجراییه باشلیغی و تشقی ایشلر وزیری بیلن اوچرهشدی.
آلمان تشقی ایشلر وزیری، تینچلیک مذاکرهسیدن حمایت قیلیب و بو مذاکره دوام ایتیشینی سورهدی. اونینگ کوپهیتیریشیچه، مملکتی، پاکستاندن، افغانستان بیلن طالبلر اورتهسیدهگی تینچلیک مذاکرهگه یخشی رول اوینهشینی سورهیدی.
مملکت جمهور رییسی اشرف غنی، آلمان تشقی ایشلر وزیری بیلن اوچرهشگن چاغیده، ایکی مملکت دوستلیک تاریخیگه اشارهقیلیب ایتیشیچه، اوشبو دوستلیک علاقه امانالله خان زمانیدن بویان دوام ایتکن.
جناب غنینینگ کوپهیتیریشیچه، آلمان اوتکن 14 ییلده افغانستانده ایجابی تاثیر تشلهیدیگن امنیتی و اقتصادی لایحهلرنی عملگه آشیرگن و بو لایحهلر مملکت یشاوچیلری حیاتیگه ایجابی تاثیر تشلهگن.
شونینگدیک، حکومت اجراییه باشلیغی عبدالله عبدالله، آلماندن دوست مملکت صفتیده ایسلب ایتیشیچه، اوشبو دوستلیک تاریخی اوروشدن ایلگری ییللرگه تاقیلهدی. اونینگ کوپهیتیریشیچه، آلمان اوتکن 13 ییلده افغانستانده قیتهقوریش خصوصیده یخشی رول اوینهگن.
مملکت تشقی ایشلر وزیری صلاح الدین ربانی، آلمان مملکتیدن افغانستانگه قرشی ایشلهیدیگن مملکتلرنی آگاهلنتیریشینی سورهدی.
جناب ربانینینگ ایتیشیچه، افغانستانده تینچلیک مسئلهسی برچهگه بیللی بولگن. کابل- برلین همکارلیک کیلیشوو اساسیده، اوشبو مملکت کوچلری افغانستاندن چیقگنیدن کیین، باشقه 10 دن آشه ییلگچه افغانستانگه مالی و قیتهقوریش بولیملریگه یاردم بیرهدی.
افغانستانده آلماننی تورت مینگ عسکری بار و اولردن کوپینچهسی مملکت شمالی بولیملریده جایلشگن.
