ملی امنیت ریاستی بیر خبرنامه ترقهتیب داعش گروهینینگ افغانستان و پاکستان (خراسان ولایتی) اوچون ناملنگن والیسی حافظ سعیدنینگ اولگنیدن خبر بیرگن.
ملی امنیتگه کوره، بو ریاست ننگرهار ولایتیده داعش گروهی اعضاسی توپلهنیش محلیدن معلومات قولگه کیریتکن و بو معلوماتنی افغانستاندهگی چیت ایللیک کوچلر بیلن شریک قیلگن، اوتکن جمعه کیچه، اویغورلیکده بیر هوایی هجومنی یولگه قوییب، حافظ سعید شامل بو گروهنینگ جنگریلریدن 30 تهسینی اولدیرگن.
خبرنامهگه کوره، بو هجوم ننگرهار ولایتی اچین تومنی تخت منطقهسیده داعش گروهی جنگریلری بیر محلده توپلنگن چاغیده عملگه آشیریلگن.
شونینگدیک ملی امنیتنینگ ایتیشیچه، امنیتی کوچلر افغانستان بویلب تروریستی گروهلرگه قرشی کورهشیب کیلماقده، بیرگن وعدهلریگه کوره، افغانستان خلقینینگ دشمنلرینی اورتهدن آلیب کیتهمیز.
شونینگدیک مملکت ایچکی ایشلر وزیرلیگی، ننگرهار ولایتیده داعش گروهی جنگریلریدن 30 تهسینینگ هلاک بولگنیگه اشاره قیلیب ایتیشیچه، اوتکن بیر هفته جریانیده امنیتی کوچلر داعش گروهیگه آغیر تلفات ییتکیزگن.
اوشبو وزیرلیک سوزلاوچیسی صدیق صدیقینینگ بوگون شنبه، بیرخبری ییغنیده ایتیشیچه، اوتکن 48 ساعتده پولیس کوچلری مدافعه وزیرلیگی و ملی امنیت بیلن اویغورلیکده 14 عملیات عملگه آشیرگن.
جناب صدیقینینگ کوپهیتیریشیچه، بو عملیاتلر فاریاب، سرپل، هلمند، ننگرهار، لوگر، وردک، تخار، بدخشان و بغلان ولایتلریده عملگه آشیریلگن.
شونینگدیک ننگرهار والیسی سلیم کندزی، اچین تومنیده چیت ایللیک کوچلرنینگ هوایی هجومی نتیجهسیده 30 جنگری اولگنینی تائید قیلهدی، بیراق هلاک بولگن کیشیلر کیملیگی توغریسیده هیچنرسه دیمهگن.
شونینگدیک ننگرهار رسمیلرینینگ ایتیشیچه، طالبلر و داعش گروهی اورتهسیده یوزبیرگن توقنهشووده بیرقطار عصیانچی هلاک بولگن.
انهشوندهی مذکور تومنده محل یشاوچیلرنینگ ایتیشیچه، اوشبو ایکی گروه اورتهسیده یوزبیرگن توقنهشوولر باعث، اونلرچه عایله اویلریدن بدرغه بولگنلر.
بیراق، حاضرگچه داعش و طالبلر بو توغریده هیچنرسه دیمهگنلر.
دیمک ایکی کون آلدین 18- سرطان افغانستان ملی امنیت ریاستی بیر خبرنامه ترقهتیب ننگرهار ولایتیده داعش گروهی رهبرلیک هیأتی ییریک اعضالریدن بیری شاهدالله شاهدنینگ اولگنیدن خبر بیرگن ایدی.
خبرنامهگه کوره، نیچهپیت آلدین ننگرهار ولایتیده بو گروهگه قرشی عملگه آشیریلگن هوایی هجوم نتیجهسیده افغانستاندهگی داعش گروهینینگ ایکینچی آدمی گلزمان و اوشبو گروهنینگ جنگری اورین باسری جهادیار هلاک بولگن ایکنلر.
شوندهی بیرحالده، مملکت ایریم ولایتلریده طالبلرنینگ هجومی کوپهییشیگه قوشیمچه، افغانستانده داعش گروهینینگ فعالیتلری کوپیگنی توغریسیده خواطرلر موجود.
اوتکن 48 ساعت جریانیده 198 طالب هلاک بولگن
باشقه تاماندن، مملکت مدافعه وزیرلیگینینگ ایتیشیچه، اوتکن 48 ساعت جریانیده مملکت ایریم منطقهسیده 198 طالب هلاک بولگن و باشقه 123 تهسی یرهلنگن.
اوشبو وزیرلیک سوزلاوچیسی اورین باسری دولت وزیرینینگ ایتیشیچه، اوتکن 48 ساعت جریانیده 10 حربی عملیات مملکت 11 ولایتیده طالبلرگه قرشی عملگه آشیریلگن.
جناب وزیرینینگ ایتیشیچه، بو عملیاتلر، کندز، هرات، کاپیسا، لغمان، ننگرهار و وردک ولایتلریده یولگه قوییلگن، عین حالده طالبلرگه آغیر تلفات ییتکیزگن.
ایچکی ایشلر و مدافعه وزیرلیگی رسمیلرینینگ ایتیشیچه، مملکت امنیتی کوچلرینینگ اویغورلیک عملیاتی مملکت ایریم منطقهلریده دوام ایتماقده.
