خلق ارا جمعیت صندوقی (UNFPA) ینگی حساباتیگه کوره، ینه بیش ییلده ایش شرایطیگه ماس تورت میلیون یاش ایشلشگه تیار بولهدی.
یکشنبه کون اوشبو صندوق تامانیدن نشر ایتیلگن ییللیک گزارشده کیلیشیچه، بو یاشلر اوچون ایش زمینهسی یرهتیلیشی لازم.
افغانستانده خلق ارا جمعیت صندوقی نمایندهسی انیت ساکس رابرتسون، اوشبو گزارشدن مقصد یاشلر اوچون بولگن ادارهلرده ایشگه زمینهسینی یرهتیش دیگن.
شونینگدیک، خانم رابرتسون، اوچ تکلیف جملهدن عیاللر قابلیتینی آشیریش، اورگه تیشگه سرمایه یاتقیزیش و ایش زمینهسی اوچون معلوم برنامه بولیشینی حکومتگه ارایه قیلگن.
اونینگ ایتیشیچه، بو گزارش خلق ارا تشکیلات معلوماتی و افغانستان مرکزی اداره احصیائیه تیکشیرو نتیجهسی بولیب و کورستیشیچه، افغانستان یاشلر جمعیتی اوزگرماقده دیر.
باشقه تاماندن، اوشبو گزارشنی کورستیشیچه، میلادی 2020- ییلگچه کمیده 9 میلیون باله دستلبکی تعلیمات و باشقه 3 میلیون باله ثانوی تعلیمات کوریشی لازم.
خلق ارا جمعیت صندوقی نمایندهسینینگ ایتیشیچه، افغانستان ییلده 500 میلیون دالرنی مذکور مملکت تعلیمات توغریسیده خرچ قیلیشی کیرهک.
26 فایز ایشسیز یاش توغریسیده خواطرلر موجود
اقتصاد وزیری عبدالستار مراد، اوشبو گزارشنی ترقهتیش چاغیده ایتیشیچه، افغانستان 63 فایز یاش جمعیتی بیلن دنیاده یاشلر کوپ نقطه نظردن ایکینچی مملکت دیر. بیراق اونینگ ایتیشیچه، کوپینچه یاشلرنینگ ایش سیزلیگی اولرنی خواطرگه سالگن.
جناب مرادنینگ کوپهیتیریشیچه، ییلده 400 الی 500 مینگ ایش شرایطیگه ماس یاش افغانستان ایش بازاریده کوپیهدی.
اونینگ ایتیشیچه، ایش شرایطیگه ماس 26 فایز یاش ایشسیز بولگن و بو مسئله، افغانستان دولتی برابریده جدی قیینچیلیک سنلهدی.
عین حالده، اجتماعی ایشلر وزیرلیگینینگ ایتیشیچه، ایش شرایطیگه ماس 19 فایز عیالنینگ ایشی یوق دیر.
شونینگدیک، اقتصاد وزیرینینگ ایتیشیچه، ایشسیزلرنینگ انیق سانینی توپلش خصوصیده سعی و حرکت قیلماقده و اونگه اساس ایش برنامهلرینی قولگه آلینهدی.
انه شوندهی، اجتماعی ایشلر وزیری نسرین اوریاخیلنینگ بو ییغینده ایتیشیچه، وزیرلیک ایشسیزلر رقمینی دقیق صورتده ییغیش توغریسیده سعی و حرکت قیلهدی، اونگه قرهب یاشلر اوچون ایشگه زمینه یرهتهدی.
دیمک تعلیم کورگن یاشلر جمعیتی 14 ییلده کوپیگن، بیراق ایش سیزلیک یاشلرنی مملکتدن چقیشگه مجبور قیلگن.
