فاریاب ولایتینینگ پشتونکوت تومنی محلی رسمیلرینینگ ایتیشیچه، بیرمحلی قومندان 13 عسکری بیلن طالبلرگه قوشیلگن.
فاریاب ولایتینینگ پشتونکوت تومنی سرپرستی عبدالقدیر قادرینینگ سلاموطندارگه ایتیشیچه، اوتکن سهشنبه کون «خواجه زیارتگاه» و «مرشکار» قیشلاغلریدهگی پوستهلر مسؤولی «قومندان رسول» آتلی محلی قومندان 13 عسکری بیلن طالبلرگه قوشیلگن.
جناب قادرینینگ اورغولهشیچه، حاضرگچه قومندان رسولنینگ طالبلرگه قوشیلیش دلیلی بیللی ایمس.
ایتیلیشیچه، ایکی آی آلدین خلق ایچیدن باش کوترگن کوچلردن بیری 11 کیشیلیک گروه «قومندان محمد اسحاق» رهبرلیگیده یاردمچی کوچ و مهمات ییتیشتیریلمهگنی باعث طالبلرگه قوشیلگن ایدی.
سونگی نیچه کونده، فاریاب ولایتیده امنیتی وضعیت جودههم یمان بولگن؛ گزارشلرگه کوره، حاضرگی کونلرده امنیتی کوچلر فاریاب ولایتی قیصار و پشتونکوت تومنلرینینگ نیچه قیشلاغیده جنگری طالبلر بیلن اوروشیب کیلماقدهلر.
