هرات ولایتی محلی رسمیلرینینگ ایتیشیچه، مذکور ولایتنینگ کهسان تومنی «شبش» منطقهسیدن «هلوترست» ناملی ماین تازهلاوچی مؤسسهنینگ 15 ایشچیسی ناتانیش کیشیلر تامانیدن اوغیرلنگن.
هرات ولایتینینگ میدیا دفتری مسؤولی جیلانی فرهادنینگ ایتیشیچه، مذکور مؤسسهنینگ ایشچیلری، اوتگن (جمعه کون کیچ قورون، 13- حمل) تورت موتری بیلن اوغیرلنگن.
جناب فرهادنینگ ایتیشیچه، حاضرگهقدر مذکور مؤسسه ایشچیلرینینگ کیملر اوغیرلگنی و اولرنینگ اوغیرلنیش دلیلی بیللی بولمهی و بو توغریده امنیتی کوچلرنینگ تیکشیرووی دوام ایتماقده.
شونینگدیک، هرات پولیس قومندانلیگینینگ سوزلاوچیسی عبدالرؤوف احمدینینگ ایتیشیچه، پولیس قومندانی کشفی و امنیتی کوچلر بیلن بیرگه واقعه محلیگه باریب و بو توغریده جدی تیکشیروو باشلنگن.
جناب احمدینینگ ایتیشیچه، هلوترست مؤسسه ایشچیلری تیزلیکده اوغیرلاوچیلر قولیدن قوییب یوباریلیشی توغریسیده امید بیلدیرهدی.
