بوگون (شنبه) توشدن کیین، بلخ ولایتینینگ زارع و کشنده تومنلری یولیده ناتانیش قوراللی کیشیلر ایکی «کرولا» و «سرایچه» موترینینگ 13 یولاوچیسینی موتردن توشیریب اوققه توتگنلر.
بلخ ولایتی پولیس قومندانلیگینینگ امنیت آمری جنرال عبدالرزاق قادری سلاموطندار بیلن سوزلهشیب، اوشبو یوللاوچیلر کشنده تومنیدن زارع تومنی تامان بارهیاتکنینی ایتکن.
جناب قادرینینگ ایتیشیچه، حاضرگچه هلاک بولگنلر و اوشبو واقعه جنایت چیلرینینگ کیملیگی بیللی بولمهگن و پولیس بو توغریده تیرگاوگه باشلهگن.
بو بیرینچی مرته یوزبیرگن واقعه بولمهگن. انچه پیت آلدین شونینگدیک، 13 یوللاوچی ناتانیش کیشیلر تامانیدن میدان وردک ولایتی سیدآباد تومنیده اولدیریلگن ایدی.
