افغانستان حکومتی، جاری ییل، 29- سرطان ده نیچه دوسیه‌سی بولگن نفتی ماده تصدیسی نینگ سابق باشلیغی ولید تمیم نینگ هند ده افغانستان ایلچیسی صفتیده تانیشتیرگن؛ لیکن افغانستان تکلیفی مملکت‌ده و حاضر هم هند ده کوپینچه عکس‌العمل‌لرگه روپه‌ره بولگن.
سلام‌وطندار میدیا ترماغی قولگه کیریتگن ایستک‌نامه گه کوره، تشقی ایشلر وزیرلیگی تشریفات ریاستی‌دن ولید تمیم نینگ ایشی باشله‌نیشی گه موافقت کورسه‌تیشینی طلب قیلگن. بو ایستک‌نامه 3- سنبله ده یوباریلگن.
ینگی دهلی ده افغانستان ایلچی‌خانه‌سیدن بولگن بیر منبع آتی سِر قالیشی‌نی ایسته‌ب سلام‌وطندارگه ایتیشیچه، گرچند حاضرگه‌قدر میزبان مملکت تاماندن رد یا-ده تصدیق جوابی کیلمه‌گن، بیراق فسادگه عیب‌لنگن بیر کیشی نینگ ایلچی صفتیده تانیشتیریش هند دیپلمات‌لرینی حیرت گه سالگن و اولردن بیرقطاری، هند ده بولگن افغانستانلیک دیپلمات‌لر بیلن اولتیریشگنده، افغانستان دولتی نینگ بو ایشی‌نی «اویت‌لی» دییشگن.
تشقی ایشلر وزیرلیگی بو توغریده رسمی شکلده عکس‌العمل بیلدیرمه‌گن، بیراق گزارش ده آتی آلینیشی‌نی ایستمه‌گن بیر منبع نینگ سلام‌وطندارگه ایتیشیچه، بو وزیرلیک جمهور رئیس نینگ بویروغی گه عمل قیلگن.
جمهورلیک ریاست تامانیدن بیریلگن فرمان اساسیده، حاضر ولید تمیم مالیه وزیرلیگی نینگ گمرک‌لر و عایدات اورین باسرلیگی سرپرستی صفتیده فعالیت قیلماقده. مالیه وزیرلیگی نینگ ایتیشیچه، هند تامانیدن ایشانچ‌نامه ییتیشگونگه‌قدر ولید تمیم گمرک‌لر و عایدات اورین باسری صفتیده ایشی گه دوام بیره‌دی.
دیپلماتیک لایحه‌لر اساسیده، بیر مملکت ینگی بیر مأمورنی او مملکت دن نماینده‌لیک قیلیش اوچون باشقه بیر مملکت‌ده تعیین قیلیشیدن آلدین، میزبان مملکت دن «اگریمان» یا-ده قبولیت طلب قیله‌دی و میزبان مملکت بیر نامه آرقه‌لی رضایتی نی بیلدیره‌دی. میزبان مملکت تامانیدن تکلیف رد ایتیلیشی غیرعادی دیر، بیراق ایریم پیت‌لر بونده‌ی جواب بیریله‌دی.
شو توغریده…
حسابات و معلومات ملی اداره‌سیده‌گی موجود فساد
